元朗花甲粉

营业中

休息中

元朗花甲粉都几出名㗎，出名在咩？就系店主系美少女战士迷。哈哈，连店logo都好有美少女风格。是晚嘅圣诞大餐就决定食元朗花甲粉，七点多来到，虽未排队等位，但有五六个车手喺度等紧外卖，店内非常热闹。⭐墨鱼丸+鱼皮饺+山根花甲粉自己点咗个三𩠌花甲粉，汤底要小麻小辣，面底拣咗粉丝，吸爆汤汁好正㗎，除咗麻辣味，仲尝到花甲粉嘅鲜味😋⭐肥牛+潮州鱼腐+汉堡扒+紫菜花甲粉朋友就点咗个四送花甲粉，汤底系中麻中辣配乌冬，哈哈，估唔到紫菜系四分一饼咁插喺个面入面，份量十足正㖞😆由于乌冬唔系好吸汤，食起上嚟仲冇小麻小辣𠮶碗咁辣添，朋友话下次考虑要大辣。⭐鸭屎绿柠檬茶仲叫咗一杯特大鸭屎绿柠檬茶，用上1000ml量杯童叟无欺，鸭屎绿茶底香，有青柠同柠檬酸酸甜甜，几好饮呀👍小店而家仲有即叫即烧嘅生蚝同蛏子，不过是晚见好多人等紧，就冇叫嚟试了。