泰巷 (已結業)

又试一新店，今次系泰国嘢 — at Grand Avenue at 荃新天地.今日做完产检，行去揾野食啦又，眼见荃新天地多左好多新食店，又好多不同选择，系心大心细之下，我地选择左Grand Avenue，拣佢全因为佢个名咋，因好有亲切感！其实呢间野个名虽然好美式，但却系食泰国野，装修都好工业feel！坐位算阔落，空间感十足。刚巧系tea time时间，由2点开始就可以order，选择有泰式饭同面，亦有美式同港式既茶餐。美式hotdog同薯条餐:包身软熟，唔会硬身，口感易食不错，香肠系一般货色，无特别，但一个女仕食完都会够饱的。薯条有点油，而且短而有点碎，所以食完成个餐感觉都有点滞！海南鸡饭:其实同lunch差唔多价钱，但lunch就多左个汤。饭本身系长身饭，干爽而入味，反而鸡就一般无太特别，不太入味，好彩鸡皮算薄身，唔系用肥鸡，份量如果以tea set黎讲，只算顶肚！