茶墨 (已結業)

忍咗口好耐冇饮手摇饮品，但系今日都不敌系尖沙咀 The One四楼 “茶墨“嘅引诱。 我就叫咗一杯 “麻薯芋泥茉莉鲜奶绿“ 小甜小冰，同埋一件奶茶蛋糕 。 先讲咗杯奶茶先 ，外观靓之余，茶底上乘，饮完口腔仲充满淡淡茉莉香味 ，大大杯有超级多嘅芋泥 ，麻薯入口口烟烟靭靭非常好咬。整体嚟讲39蚊咁大杯有咁嘅份量性价比都唔错。 件奶茶蛋糕就相对唔系太甜，感觉轻型，好啱夏天食用。 另外朋友就点咗一杯芝士草莓沙冰 ，酸酸美美嘅草莓味十分醒胃， 再加上芝士奶盖。 奶盖唔系算太咸个只，反而有一种淡淡嘅焦糖同咖啡味。 两者配搭看似风马牛不相及，但系夹埋起有美味嘅化学作用， 有点儿想不到。另外重设有堂食， 可以坐低慢慢叹冷气同叹嘢饮，一举两得。