聯發燒臘飯麵家

营业中

休息中

最近出得街食多，又谂唔到食乜好，先去Burger King食左个平包。之后老公提议去呢度食叉烧濑，因为都几钟意食。呢间烧腊真系几传统，留心睇餐牌，连珍肝都有得食，依家好多地方都无了。叫左碗叉烧烧肉濑，叉烧烧肉另上。碗濑粉唔系好大碗，睇到隔离碟饭大碟ｄ又抵食ｄ，呢度好在可以叫一碗，下次都系叫一碗饭算了。叉烧好松化，带点蜜汁好味。烧肉层皮甩左出黎，而且唔多脆，老公话呢间ｄ烧肉系撞手神，唔系条条都好似去食太兴咁件件脆皮，但佢既烧肉腌得几好味，烧肉同叉烧都好味呢。埋单一碗$28，下次如果想食叉烧濑，唔驶再食美心了。