美中·鴨子 (已結業)

美心集团旗下，质素自己谂。每次经海港城，都见餐厅外有大堆食客等位，先知道系食片皮鸭。唔知系咪每个香港人都同我一样，久不久就有心瘾食下片皮鸭，乳猪。不过呢d 菜式通常系一围枱，大班人一齐先食到，如果两口子拍拖，想食嚟过下口瘾，自不然醒起... 美中鸭子。美中鸭子，餐厅名改到好有日本风 (中田英寿，深田恭子d friend?)，仲要系海港城，唔知仲以为食日菜，行近睇先见到有师傅系大玻璃内片鸭皮。哦! 原来系中菜嚟嘅!昨晚接近六点修完甲，同男友会合，有共识地行去攞筹。平时七八点经过一定一定无位兼有排等，今次咁早去到，晚市准备开都已经要等12张枱，不过大概15分钟就有位喇。片皮鸭一客(声称半只)，制作要45分钟，所以一入座侍应就主动问你要唔要order 先。再谂谂想食d 咩，结果...蒜泥白肉，有脆脆蒜粒，每片夹住薄青瓜，卷埋放入口，刚刚好。唔错!蚵仔煎饼，不过不失，有d 㶶，摆盆上蝶有d 求其，配有鱼露及豆瓣酱。上海粗炒，呢个系甜甜地既? 味道有少少似今朝去洗牙，牙医帮我补嘅薄荷牙膏味道... 最后一道，片皮鸭!!! 包皮一笼唔太热，鸭皮脂肪略多，鸭肉有d 鞋。呢餐盛惠5XX，临走前被隔离枱