李公館

营业中

休息中

婆婆生日，就近订咗李公馆，方便老人家。围埋坐有老有嫩，都坐得几舒服下～我哋订台嘅时候，个姐姐提我哋有啲菜式想食要预订，所以先来讲下呢到要订嘅菜式～见到个样好霎色，大家都哗咗出声～不过上面果笃金碧辉煌系装饰，唔系食物，摆上台影咗几张相就拎走咗啰～估计都系循环再用嘅装饰，anyway ，都几抢镜。周边摆咗些少生果，面层有糖浆，食落去有冰糖葫芦嘅feel，可以留待做饭后甜点。冰下面先系主角——咕噜肉，都系冻食，酸酸甜甜，呢道菜式好有谂头。印象中最特别嘅应该系呢个啤梨形，但食落系虾蟹肉嘅菜式，很有心思嘅做法，外表同口味同样出色。皮脆肉香，茶味不太浓。咖喱汁分开上，我冇点到咖喱，啲调味都已经几好，口感软韧有致。唔多觉有咩茶味，味道偏淡。糯米饭吸收晒啲鲜虾味，一粒粒好软熟。因为系大伙人食饭，不适宜相机食先，好多菜式未能尽录。可以算系好有创新嘅中式菜馆，迎合咗现代人嘅美感同对口感的追求，值得推荐。