姚姚酸菜魚 (港威商場)

营业中

休息中

食酸菜鱼我首选「姚姚酸菜鱼」、环境舒服、味道不错。今次就去左试新出嘅美极®️鲜辣汁麻辣香锅、招牌双拼酸菜鱼拼水煮牛肉、彩虹乌龙冰粉、茉莉香橙同手打柠檬茶。美极®️鲜辣汁麻辣香锅：一定最少要叫五样𩠌，本身个Base就$48 ，另外五样𩠌就唔同价钱。我哋就叫咗土豆、莲藕、千叶豆腐、鸡软骨同重庆酥肉。呢一款用咗美极嘅鲜辣汁嚟整，除咗麻辣味仲多咗一阵鲜味。加左美极嘅鲜辣汁唔会太咸但可以突出麻辣嘅香味。招牌双拼酸菜鱼拼水煮牛肉：酸菜鱼酸菜味突出，但唔会盖过滕椒嘅味道。鱼肉都算好多，应该差唔多有一条鱼嘅份量，肉质嫩滑。水煮牛肉嘅份量都好多、有埋宽粉同埋芽菜。不过略嫌麻辣味唔系好够，但都几香。彩虹乌龙冰粉：食完辣嘢一定要食返碗冰粉解辣解腻。彩虹冰粉系两人份量、包括椰奶、芝麻、花生、寒天、红豆、酒酿同提子干。乌龙冰粉系乌龙茶底，所以非常清香。茉莉香橙：香橙加柠檬嘅茉莉花茶，香甜清新解渴。手打柠檬茶：香水柠檬有少少偏淡，淡茶味香浓，解辣一流。