影片
更多
2014-04-14
2371 浏览
寻日系我朋友生日，之前嚟过呢间餐厅觉得食物同环境都唔错，加上上次大厨留咗contact话可以为客人设计定餐单，所以就打算嚟呢度为朋友搞生日饭，又可以一试呢间餐厅嘅私人餐单会唔会有特别惊喜。之后餐厅帮我地安排咗个7道菜嘅生日饭，过程中亦好细心问我地有无对某啲食物有敏感或对边类食物有兴趣，最后报完价钱同餐单后都感觉几好就决定咗上嚟呢个伊甸园啦。坐低后侍应递上今晚我地餐单嘅iPad，大概介绍每款菜式同埋问我地需唔需要酒，最后拣咗餐厅介绍嘅波尔多红酒。其实侍应亦有讲过支酒嘅味道同变化系点，不过我地已经唔记得哂，但都几好饮，又唔算贵，呢个价钱响好多餐厅通常都麻麻地，我觉得呢处都算"有良心"首先有餐包，同一兜仔嘅蕃茄粒，唔太酸唔太咸，配蒜茸包一齐食好好味。之后就系我最钟意嘅慢煮三文鱼，周边配菜同之前食过有唔同，事后大厨解释话佢每道菜其实无特定嘅配菜，视乎当日材料而定，仲好风趣咁话"碟碟一样样，你地唔厌我都闷啦"。不过主角三文鱼依然咁滑，今次仲有啲三文鱼籽，整体感觉好好。第二道前菜系蟹肉，好creamy同好重蟹香，酥皮都好松脆。不过无乜配菜，单调少少。餐汤有3款俾我地拣，我地都要咗龙虾汤，几好饮，唔
之后餐厅帮我地安排咗个7道菜嘅生日饭，过程中亦好细心问我地有无对某啲食物有敏感或对边类食物有兴趣，最后报完价钱同餐单后都感觉几好就决定咗上嚟呢个伊甸园啦。
坐低后侍应递上今晚我地餐单嘅iPad，大概介绍每款菜式同埋问我地需唔需要酒，最后拣咗餐厅介绍嘅波尔多红酒。其实侍应亦有讲过支酒嘅味道同变化系点，不过我地已经唔记得哂，但都几好饮，又唔算贵，呢个价钱响好多餐厅通常都麻麻地，我觉得呢处都算"有良心"
首先有餐包，同一兜仔嘅蕃茄粒，唔太酸唔太咸，配蒜茸包一齐食好好味。
之后就系我最钟意嘅慢煮三文鱼，周边配菜同之前食过有唔同，事后大厨解释话佢每道菜其实无特定嘅配菜，视乎当日材料而定，仲好风趣咁话"碟碟一样样，你地唔厌我都闷啦"。不过主角三文鱼依然咁滑，今次仲有啲三文鱼籽，整体感觉好好。
第二道前菜系蟹肉，好creamy同好重蟹香，酥皮都好松脆。不过无乜配菜，单调少少。
餐汤有3款俾我地拣，我地都要咗龙虾汤，几好饮，唔会太咸。主菜我拣要牛肉，朋友就想黑毛猪排。慢煮牛柳肉味好浓，好多肉汁，配红酒一流！配菜三角形嘅薯饼都好香好好味。
我亦偷食咗一件黑毛猪排，肉质嫩，有猪油香，配菜有啲苹果粒，一齐食感觉都几好，无咁肥腻。
最后甜品我地都拣咗朱古力芭菲，唔太甜而且朱古力味浓，厨师好有心思用朱古力写字仲插埋蜡烛，birthday girl好开心呢！(仲悭番个生日蛋糕添呀haha)
题外话/补充资料：
有心思的小店，不论服务员、厨师亦相当友善，食品质素高，支持！
(以上食记乃用户个人意见 , 并不代表OpenRice之观点。)
张贴
