肉浦團火鍋放題

营业中

休息中

打唔成风，好想同朋友去食餐好，就提意去打边炉。因为大家都比较钟意食肉，朋友就提意去旺角既肉浦团火锅放题。上到去见到门口已好有趣，好多港产片主题既设计。见佢既汤底，冇谂过有咁多选择，有成8款。最后简左M5M8和牛set, 睇落都好丰富。个汤黎到已好香，鸡件系自己落，不过好大件。我首先试左个汤先，好鲜味，药膳同酒既比例好夹，唔会太浓太呛，可以先饮汤再打。而且鸡都好嫩滑，就算煲耐左都唔会硬。呢个set主打和牛，更系要叫左先。 片得好薄好靓，仲好新鲜，放落汤都唔会痴到一旧旧，仲系成块成块夹得返。而佢既蔬菜区，丸类都有好多选择。最紧要佢连浆料区都好干净，好抵赞。由于大家一坐底就劲点野食，到最后，店员竟问我地要唔要甜品，有雪糕同芝士蛋糕。因之前冇为意唔知有甜品，然后雪糕竟然仲系haagen Dazs, 真系超surprise, 真系食得好开心。