稻埕飯店 (V Point) (已結業)

呢几日成日落雨， 搅到好烦好闷， 于是约左好姊妹，食饭同品酒， 希望驱走一身闷气。好姊妹带我地去左铜锣湾V Point 稻埕饭店食饭。 餐厅主打台湾菜， 好多食品同酒类都由台湾直送， 搅到我地呢班钟意去台湾旅行的姊妹可以一解思乡之愁。前菜: 白卤水九孔鲍鱼， 冻食鲍鱼另有一番风味， 鲍鱼爽口, 加埋软绵绵的鱼片， 有爽有软口感。蟹肉蛋白泡泡脆米金汤， 材料好多， 白色圆形蛋白， 好香蛋白味， 加上脆脆， 好似食紧爆谷咁。 当然最精彩系个金汤， 海鲜味浓， 蟹肉，瑶柱完全张个汤升华。盐酥波士顿龙虾脆角豆金瓜， 龙虾肉厚爽口， 南瓜片爽到卜卜脆。黑松露鲜百合花， 百合味道清香， 加上黑松露后， 味道好似薯蓉， 感觉好特别。八斗子炒饭， 色香味浓， 一应俱存， 粒粒饭香， 高水准炒饭。石榴倾情， 水果系列的鸡尾酒，全部由台湾水果取材。呢一杯芭乐倾情充满台湾地道的芭乐汁，配上Gin酒不会掩盖水果香甜，加上淡淡粉红色，好适合女士饮。蜂蜜白苦瓜汁，蜂蜜白苦瓜汁系台湾名物，蜂蜜清润，白苦瓜汁入口回甘，风味独特，感觉清新宜人。姜米水， 姜汁， 柠檬， 米水竟然味道十分匹配， 容易入口， 好啱呢个郁闷天