木子居酒屋

营业中

休息中

最近肥鸡系大围发掘到一间居酒屋，觉得好啱钟意食日本野嘅朋友仔，首先讲下居酒屋入面嘅装修，由外到内都沿用实木家私，比人一种日本当地传统居酒屋嘅感觉，一行门口就有几位著日式制服嘅后生仔女用纯正日文 こんにちは(你好!)，然后就会睇到餐厅入面墙身放满日本清酒，位置可以选择坐系bar枱睇师傅整寿司切鱼生 或者坐榻榻米 如果有多过4位仲有细房坐添~睇得出居酒屋系布置同埋迎接客人嘅用心，好似真系去左日本嘅居酒屋咁！话明居酒屋,点可以唔饮下佢出名嘅酒呢？肥鸡饮左梅酒生啤同埋柚子sake, 味道入口即融, 甜甜地之余无冲淡到酒嘅果味,平时少饮酒嘅肥鸡都饮得好滋味! 现场嘅所有食材都系即叫即整,但又唔会等太耐, 第一道菜式系深海池鱼薄切, 新鲜空运到港嘅深海池鱼配埋wasabi同埋特制柚子酱油, 再饮翻啖柚子sake, 加上池鱼刺身嘅薄度啱啱好,唔会太肥腻! 第二道系胡麻豆腐蕃茄沙律,沙律菜配搭涷豆腐有种fresh嘅感觉,加上胡麻酱,清新爽口啦,食完即刻胃口大开!第三道系阿波尾鸡翼, 听店员介绍呢度嘅鸡翼系来自放养嘅阿波尾鸡,鸡肉一啲激素同抗生素都无,可以放心食用,只烧鸡翼外脆内热,弹性同肉感十足仲好香