十二味不只是烤魚 (已結業)

打边炉就打得多，烤鱼都系最近先尝试，老实讲以前就完全唔食鱼，细个啃过鱼骨之后惊惊（每个人都有这样的阴影吧…哈哈），一直都唔钟意食鱼，到咁大个人都唔系好识吐骨，亦都怕麻烦，但有一次喺屋企附近嘅烤鱼店，食过之后，就爱上呢个味道，期后我都成日相约朋友食烤鱼。比起鸡煲，我更爱鱼了，因为𠮶种香辣嘅味道系好唔同的。其实成日都想北上食，不过朋友中唔系个个都食到辣野，怕去到唔啱食。呢几日凉凉地，又瘾起，一行三人黎到天后呢边嘅烤鱼店试试。餐厅门面亮眼，墙上画左好抢眼兼可爱嘅壁画，有个猫厨师烤紧鱼，侧边有好多海鲜、串烧等，几有心思，同时又话左俾你知，【十二味】到底系边12样野，包括八角、草果、花椒、红辣椒、丁香、山奈、桂皮、茴香、灯笼椒、肉蔻、香果等等。周日晚上时间，客人颇多，餐厅位置唔算多，好在预约左位置，估唔到受欢迎，特别在场有唔少国内人，可能想念家乡嘅味道吧，事后我喺点评网见到呢个烤鱼嘅评语都唔错，难怪餐厅装潢新式，位置唔算多，有大部分系卡座，不过座位唔算阔落，如果身型肥少少，要坐四人会有点勉强，所以佢都有其他非卡位。比起之前去过嘅烤鱼店，十二味明显系比较干净企理，不过灯光偏蓝，影嘅相色调会有点奇怪