蒲頭島 (已結業)

佐敦美食塔之蒲头岛餐厅本身有得拣打边炉或者打边炉加网烧，但我哋𠮶日成10点半先去到，网烧卖晒，唯有下次先试。我哋拣咗C餐，$248顶级安格斯牛肉。汤底有10款俾你拣，想试人心白玉锅，但由于我同我男朋友近排太热气都生飞滋，所以最后拣咗蟹肉冬瓜蓉锅，清下热气去吓湿。除咗三张火锅纸之外，各种菇菌蔬菜丸类，都可以出去大雪柜到任你拣。出边仲有几款热食，几款糖水，大量甜品任你选择，仲有雪糕机，旁边仲有大量toppings任拣唔嬲。酱料方便都有10几种，全部有冰粒坐着，感觉好新鲜。火锅料质素一般，但安格斯牛肉值得一赞，雪花平均，入口滑脱脱，牛味够浓。