Homeland (牡丹大廈) (已搬遷) 新店位置

Weekend约住系大角嘴既朋友食晚饭，系依个美食社区真系有好多选择，今次就去左食Homeland，门口个招牌好colourful, 店舖装修风格好特别同有个性。之前去过大埔分店，已经试左唔少种类既食物，系大角嘴店就梗系选择店舖限定既野啦！小食要左炸白饭鱼代替平时会点的薯条，白饭鱼好香脆够热，点少少鱼露食就无咁热气👍🏻！主菜香脆德国咸猪手，做到外脆内嫩既口感，猪手唔会太咸，拌碟既蔬菜薯蓉都好食😋，配搭埋烧汁同芥末籽，食起上嚟更加有口感！另一道主菜，惹味啤酒酿全鸡，一上碟已经哗然，成只鸡上，原汁原味，卖相一流，食法原始，要用剪刀剪开只鸡自己逐件分黎食，估唔到可以烧得咁juicy,真系好有惊喜，鸡肉仲要好滑，调味料好特别，可能系因为用左啤酒🍻？食得好开心同满足！