慢煮工業 (已結業)

听朋友讲系太子有一间性价比好高嘅西餐厅，既然系为食嘅我哋就一于去试下啦。好彩我哋一早已经book咗台，因为真系多人到好排队等位呀😩，入面嘅格局我好钟意，灯光，布置，装饰都好靓，几舒服，而且原来餐厅有二楼架，今次我就无机会上二楼影相畀大家睇喇😎。🎈烧熏猪仔骨🐖 $78因为听朋友讲餐厅最出名系食牛，不过可惜想拣𠮶个款卖哂，只好试下佢嘅猪仔骨啦，真系估唔到系可以咁软熟，份量系四排骨，两人食都足够，而且肉身比较啱啱好，亦都几钟意酱汁烧汁味道，大力推介💪。🎈炒杂蘑菇🍄 $28超强烈黑松露味，炒杂菇一啲都唔干身，而且应该有少少牛油系入面💋，感觉几香而且又滑身。🎈黑松露烟肉火箭菜蛋薄饼🍕 $108薄饼系极力推介之选，虽然份量唔小，但真系好食到想嗌多个薄饼食呀🤩。薄饼上面有嘅料配已经系菜名提哂，平均分布哂系面上，薄饼嘅底仲系好脆，好香口。中间位置仲有只蛋，亦系呢个薄饼最精华位置✨，好食到用唔到字嚟形容，大家绝对要亲身嚟试下，包无嚟错🔥。由店面、食物、嘢饮都唔系到处都揾到食到，好独有风格，而且价钱都好合理，大众都愿意接受嘅范围嚟，我谂唔到唔再嚟嘅原因。