K&L Dream Cafe (已結業)

悠长嘅农历新年假期仲未结束，一个人四围揾食揾食。元朗凤群径一带有好多不同嘅餐厅选择，由街头行到街尾，远处望到一间装修优雅、铺外顶部吊左一啲绿色植物嘅西餐厅吸引左眼球，感觉自然美好，上前睇睇餐牌，全部都好想食😋。餐厅喺室内/室外均设有雅座，室内灯光较柔和，有一种浪漫感，天气凉凉地嘅话，其实坐室外都系一个不错嘅选择。当时已经系下午2点几，又唔想食得咁heavy，所以叫左个薄饼餐。温馨提示：午餐供应时间系11：30至16：30，配餐汤及饮品（不设下午茶餐牌），午市时段仲免收加一添👍是日餐汤～菠菜忌廉汤绿色嘅汤好靓，味道香浓带有一啲薯仔微粒，既有口感又好滋味。主食～蚬肉芦笋吞拿鱼沙律酱薄饼配杂菜沙律约6吋嘅《薄饼》真的很薄嘅饼底，铺满蚬肉、芦笋、吞拿鱼、青椒、红椒、芝士，滋味无穷，杂菜沙律置中嘅布局，衬托出食物嘅色彩。我觉得烤焗嘅时间刚刚好，饼底唔会太硬太干，而又焗到有脆边嘅效果，好似饼干一样嘅口感，好啱我口味，一个人食晒都唔会过饱。下次要约埋朋友一齐去试下其他餐先。