影片
更多
2020-10-01
395 浏览
香港美食广场畀我嘅印象就系有几间餐厅，有好多张枱，同时有好多人，快d揾位食完就闪，坐得唔多舒服。最近北角和富荟新开左美食广场，同前排食过嘅新餐厅一样，都布置左土耳其马赛克灯等多异国风情装饰（上次个post有人留言叫我去过Turkey再讲，问佢点解但无答，我唔tag佢喇，佢有缘睇到嘅话希望佢答我），而且仲有梳化位，干净美观，令我对美食广场改观。今次我试左间南洋菜。🍴巴东牛肉饭 HK$62非常香浓入味，就咁食有d咸，送饭就岩岩好，之前系第二度食过巴东牛肉韧过煲汤瘦肉，但呢度就用左牛肋条，够晒腍。伴碟都唔马虎，油酥饼好鬼香，虾片亦够脆。白饭表面加左椰丝，但香味唔突出，唔及椰浆饭。🍴新加坡无骨海南鸡饭 HK$68选用90日大嘅鸡，厚肉得黎唔韧，鸡皮爽而不腻。姜蓉几清新，唔会太刺激，点埋黑酱油甜甜地送鸡饭一流，至于酸辣汁就偏淡。油饭香气尚可。🍴椰子鸡汤（跟餐）椰子味好香，瘦肉够腍，而雪耳亦令汤身比一般鸡汤浓稠。🍴恐龙美禄（跟餐） HK$18、青柠梳打 HK$18去餐厅叫即溶饮品最怕又淡又稀，呢杯恐龙美禄面头嘅美禄粉虽然唔算爆满，但饮落够浓，唔会太甜，仲有卜卜脆嘅可可球可以咬下。青柠梳打就甜左少少
香港美食广场畀我嘅印象就系有几间餐厅，有好多张枱，同时有好多人，快d揾位食完就闪，坐得唔多舒服。最近北角和富荟新开左美食广场，同前排食过嘅新餐厅一样，都布置左土耳其马赛克灯等多异国风情装饰（上次个post有人留言叫我去过Turkey再讲，问佢点解但无答，我唔tag佢喇，佢有缘睇到嘅话希望佢答我），而且仲有梳化位，干净美观，令我对美食广场改观。今次我试左间南洋菜。
🍴巴东牛肉饭 HK$62
非常香浓入味，就咁食有d咸，送饭就岩岩好，之前系第二度食过巴东牛肉韧过煲汤瘦肉，但呢度就用左牛肋条，够晒腍。伴碟都唔马虎，油酥饼好鬼香，虾片亦够脆。白饭表面加左椰丝，但香味唔突出，唔及椰浆饭。
🍴新加坡无骨海南鸡饭 HK$68
选用90日大嘅鸡，厚肉得黎唔韧，鸡皮爽而不腻。姜蓉几清新，唔会太刺激，点埋黑酱油甜甜地送鸡饭一流，至于酸辣汁就偏淡。油饭香气尚可。
🍴椰子鸡汤（跟餐）
椰子味好香，瘦肉够腍，而雪耳亦令汤身比一般鸡汤浓稠。
🍴恐龙美禄（跟餐） HK$18、青柠梳打 HK$18
去餐厅叫即溶饮品最怕又淡又稀，呢杯恐龙美禄面头嘅美禄粉虽然唔算爆满，但饮落够浓，唔会太甜，仲有卜卜脆嘅可可球可以咬下。青柠梳打就甜左少少，同埋唔够酸。
📍NY Garden
北角和富道21-53号和富地库B50-B51号舖和富楼下美食广场A1号舖
张贴
