天浮橋拉麵 (已結業)

🎈盐鸡白汤拉面 $80鸡肉洒咗好多胡椒，黑胡椒，整体味道畀调味料盖过咗，味道偏咸😨。白汤汤底味道唔错，令人想一啖一啖咁饮落去。拉面碗比较扁身，几得意 🍜。附上溏心蛋一只，有惊喜，味道适中，软熟，非常好食。较为特别系配料有洋葱丝，食拉面都可以食出爽口感觉，加上面质弹牙既对比更令人印象深刻👄。✦✦✦✦✦✦✦✦✦✦✦✦✦✦🎈饺子 $15/3可能摆放得太耐，皮身已经变得干而硬身，一点煎香脆既口感都无🤔。而日式饺子应有既味道都仲食得出，可惜外皮既质感影响口感😔，失望。✦✦✦✦✦✦✦✦✦✦✦✦✦✦食拉面系小编至爱之一，小店既汤底虽然话唔算上好浓，但鸡汤味尚可，以价钱黎讲亦合理😌。餐厅有其他汤底拉面可以选择，仲有沾面可以拣，行经如果唔洗排队都会再食一次。另外，鸡肉调味粉太多，影响口感同味道，如果可以俾客人根据自己口味添加，可能会比较好🙏。