古早台居

营业中

休息中

自从旺角T.O.P开咗呢个美食广场之后，我间中都会帮衬，贪佢地点够晒方便，地铁一出唔需要经地面就已经直达，今日就试吓呢间相对地比较人头涌涌嘅古早台居。酥炸猪扒面汤底够浓，酥炸猪扒超大块。猪扒上碟时已经切成小件，方便进食。酥炸猪扒肥瘦平均，所以食起上嚟充满肉汁又鲜嫩。台湾面份量十足，而且仲有唔同种类嘅蔬菜，营养够均衡。香酥大鸡扒肉燥饭嘅鸡扒同样都系大大份，肉操饭亦都非常香口，而且仲有我最钟意嘅卤水蛋，呢个价钱真心抵食。酥炸甜不辣入口烟烟韧韧，甚有咬口，而且炸得干身，不带半点油腻感。配合泰式甜辣酱一齐食，确系一个唔错嘅小食。各款饭面主食都可以半价加购台式饮品，半价后十几蚊就有一杯，既然咁抵，我哋当然唔执输，分别拣咗大甲芋泥鲜奶同珍珠奶茶，两杯都甚有质素，芋泥鲜奶就更有啖啖嘅芋泥，口感一流！