影片
更多
2015-07-23
1033 浏览
朋友聚会，大家都喺度讨论紧有啲咩性比价高嘅餐厅，佢哋知我平时有留意开食肆，所以叫我介绍，唯一指引系中环地点，因为中环可以迁就大部分返工嘅朋友，咁我左谂右谂，就决定SOHO呢一间，价钱相宜，食物质素又好，环境唔错又有两层，非常之稳阵。点店内的环境唔错，挂画非常之有特色。一坐低店员的服务态度非常之好，即刻倒水同埋递上两个热辣辣嘅餐包。餐牌望咗一阵，除咗个海鲜大杂荟既鱼我极力推介朋友一定要食之外，其他嘅Menu我地就各自拣咗一啲心水既试下。Spinach Scallop Gratin HK 138带子菠菜沙律呢个带子沙律卖相非常靓，最吸引人嘅地方就有原片嘅松露，松露酱嘅美食食得多，但系可以食原片嘅真系少之又少，可见厨师非常落重本，中间嘅带子略为煎香两边，可以食到带子嘅鲜甜，不用全刺生系一个聪明嘅做法，因为我认为全刺身，会同其他熟咗嘅材料味道格格不入。个黄色嘅汁，初初以为系布甸或者蛋糕之类，原来系意大利芝士黎架，呢个意大利芝士有加左啲鸡蛋，所以唔算太杰，有淡淡既芝士香味，又唔会掩盖其他食材，整个头盘系清新而有特色嘅，成日头盘都叫沙律，有时都想转下口味。由于芝士汁太好味啦我用来．我叫左两个餐包将
朋友聚会，大家都喺度讨论紧有啲咩性比价高嘅餐厅，佢哋知我平时有留意开食肆，所以叫我介绍，唯一指引系中环地点，因为中环可以迁就大部分返工嘅朋友，咁我左谂右谂，就决定SOHO呢一间，价钱相宜，食物质素又好，环境唔错又有两层，非常之稳阵。
点店内的环境唔错，挂画非常之有特色。一坐低店员的服务态度非常之好，即刻倒水同埋递上两个热辣辣嘅餐包。
餐牌望咗一阵，除咗个海鲜大杂荟既鱼我极力推介朋友一定要食之外，其他嘅Menu我地就各自拣咗一啲心水既试下。
Spinach Scallop Gratin HK 138
带子菠菜沙律
呢个带子沙律卖相非常靓，最吸引人嘅地方就有原片嘅松露，松露酱嘅美食食得多，但系可以食原片嘅真系少之又少，可见厨师非常落重本，中间嘅带子略为煎香两边，可以食到带子嘅鲜甜，不用全刺生系一个聪明嘅做法，因为我认为全刺身，会同其他熟咗嘅材料味道格格不入。
个黄色嘅汁，初初以为系布甸或者蛋糕之类，原来系意大利芝士黎架，呢个意大利芝士有加左啲鸡蛋，所以唔算太杰，有淡淡既芝士香味，又唔会掩盖其他食材，整个头盘系清新而有特色嘅，成日头盘都叫沙律，有时都想转下口味。由于芝士汁太好味啦我用来．我叫左两个餐包将佢沾完才收手。
海鲜大杂烩就系今晚我等左好耐既主角，好心急想食既一道菜。系记得上次食呢条鱼嘅鱼汤非常鲜甜，所以今次系条鱼未上场之前我已经不停咁向朋友吹夸个大杂荟有几咁好食。
Market Fish in Bouillabaisse HK 328
主角出场啦，朋友见到条新鲜鱼原条上，果然即刻攞起手机系甘影，呢条鱼系用咗新鲜嘅班与吊桶，蚬，青口等一齐烩，个汤底好浓，又有龙虾味，但系奇就奇在汤里揾唔到有鲜虾，所以忍唔住问店员，龙虾味系边度黎？佢话俾我哋听其实系条鱼已预先涂左龙虾糕，汤底也加入龙虾汤，务求令海鲜嘅鲜味更突出同浓郁，哗，才卖328元甘重本？？
食嘅时候我哋将鱼皮掀起，就见到雪白嘅鱼肉，鱼肉是爽口弹既，斑鱼既特色就系鱼个肉质唔会霉霉烂烂，雪白雪白既鱼肉直接食已经好鲜活，我当然系点浓汤一齐食啦。
最后我哋食得干干净净，汤都几乎饮晒，呢个海鲜大杂烩两个人食真系非常之满足，当然如果多人食嘅话一条四个人分，仲可以叫多几个𩠌。
经理见到我哋食得津津有味，问我地好唔好食？我哋两个异口同声大赞好食，佢同我地讲仲有个luxury 版既海鲜大杂烩，可供预定。我哋问佢luxury 版系点样？经理话如果我哋预订嘅话，可以拣唔同嘅鱼例如龙趸，仲可以指定要加龙虾大虾或者大蟹等任何钟意嘅食材。听上去真系非常之吸引，我地计划左下一次黎叫多啲人一齐食饭，甘就可以擦一个luxury既海鲜大杂烩。
甜品- Caramelised Apple Tarte Tatin HK 60
呢个苹果都系非常之赞既餐后甜品，卖相靓唔在讲，初初上桌我仲觉得佢有啲似蜜桃。
苹果有天然果糖嘅味道，与香料一齐煮过，有点儿苦，不过加埋个甜甜雪糕就平衡左两者，所以我都系将溶咗嘅雪糕淋上苹果一齐食。
老实讲呢度嘅法国餐真系好抵食，法国餐系香港一般都系fine dining, 难得呢个做得有点儿似家庭式可以一齐share, 份量又足够同享。下次大家来soho不妨试吓。个海鲜大杂烩一定要食！
张贴
