影片
更多
2016-10-15
1471 浏览
趁住哩几日有特价，梗系要嚟食下好嘢~一向都觉得pizzaexpress啲嘢食唔错，但唔同分店水准有多少分别，食过几间暂时觉得太古城哩间食物质素同服务最好。牛油果藜麦沙律 - 有藜麦、牛油果、烤南瓜、车厘茄、红莓干、 新鲜百里香、蕃茜、柠檬油；牛油果系至爱，好fresh; 藜麦混入柠檬油，酸酸咸咸咁好醒胃~软心芝士焗龙葵菇 - 有帕尔马火腿、Tomino软芝士、同火箭菜；芝士厚厚软滑味唔浓食完唔会滞口；薄薄嘅火腿算系吊吊味；火箭菜沾上黑醋汁fresh得嚟好有咬口；主角龙葵菇焗完仲保持湿润，必食头盘~松露菌薄饼 - 有野菌、松露菌油、迷迭香、蒜蓉；比起头盘沙律个薄饼就普普通通，松露香味未够特出，薄饼本身可以焗香脆一啲就更好蟹肉白酒汁意粉 - 有蟹肉、蒜蓉、蕃茜、辣椒、白酒、柠檬油、柠檬角；蟹肉算多而且好鲜味；调味偏浓好够酒味啱我胃口；洒埋柠檬汁落成个意粉味道好丰富，好食！焗野莓金宝 - 有野莓果酱、士多啤梨、蓝莓、牛油脆粒、云呢拿雪糕；冰火酸甜香口共冶一炉；唔好甜都要食多两羹~后记：多姿多彩嘅一餐，服务员勤力换碟收碟添水，亦会问下客人觉得啲食物得唔得，俾人感觉系关心食物水准人客感受(真心假
一向都觉得pizzaexpress啲嘢食唔错，但唔同分店水准有多少分别，食过几间暂时觉得太古城哩间食物质素同服务最好。
牛油果藜麦沙律 - 有藜麦、牛油果、烤南瓜、车厘茄、红莓干、 新鲜百里香、蕃茜、柠檬油；牛油果系至爱，好fresh; 藜麦混入柠檬油，酸酸咸咸咁好醒胃~
软心芝士焗龙葵菇 - 有帕尔马火腿、Tomino软芝士、同火箭菜；芝士厚厚软滑味唔浓食完唔会滞口；薄薄嘅火腿算系吊吊味；火箭菜沾上黑醋汁fresh得嚟好有咬口；主角龙葵菇焗完仲保持湿润，必食头盘~
松露菌薄饼 - 有野菌、松露菌油、迷迭香、蒜蓉；比起头盘沙律个薄饼就普普通通，松露香味未够特出，薄饼本身可以焗香脆一啲就更好
蟹肉白酒汁意粉 - 有蟹肉、蒜蓉、蕃茜、辣椒、白酒、柠檬油、柠檬角；蟹肉算多而且好鲜味；调味偏浓好够酒味啱我胃口；洒埋柠檬汁落成个意粉味道好丰富，好食！
焗野莓金宝 - 有野莓果酱、士多啤梨、蓝莓、牛油脆粒、云呢拿雪糕；冰火酸甜香口共冶一炉；唔好甜都要食多两羹~后记：多姿多彩嘅一餐，服务员勤力换碟收碟添水，亦会问下客人觉得啲食物得唔得，俾人感觉系关心食物水准人客感受(真心假意都冇所谓喇) ，赞！
张贴
