屋子生活 (已結業)

啲人成日都话马鞍山系美食沙漠，佢哋应该系计漏咗呢间『屋子生活』吧！首先环境以白色同木色设计，玻璃用咗落地玻璃可以感受到天然日光，第一感觉已经好舒服。Seating 方面亦有普通座位或者 tatami 位置比你拣，而 tatami 座位系靠近窗边嘅。餐牌嘅设计亦唔普通，系用咗小学本子嘅设计，里面仲有手绘图案添！今次就净系点咗午餐定食同呢度最出名嘅甜品 － 焦糖杏仁葩菲窝夫，另配一杯绿茶特饮。午餐用咗木盘上，好有和风嘅味道。窝夫厚厚嘅而且系软绵绵，轻轻淋咗焦糖酱又唔会太甜㖞，上面仲有几粒蓝莓同烤香嘅杏仁片，一次过食齐晒唔同嘅口感呀！另外仲有 5-6 款甜品，每款都咁靓，我真系惊我会忍唔住过嚟试晒佢哋呀！