WM Café & Bar (雅濤居購物商場)

营业中

休息中

马鞍山好食的西餐厅不多，除咗Beans之外，我觉得Wm呢间算系几有质素嘅。就算只系外卖，佢的意式巴马薄饼都仲系香脆可口，Parma Ham 份量都唔少，加上薄薄嘅饼底，好好味。龙虾汤超浓郁鲜味，用心制作。另外，烟三文鱼忌廉意粉不普通，略嫌意粉太淋，外卖后的忌廉汁有点冻了，影响味道。反之，蒜片墨鱼仔墨汁意粉相对好味，因为墨汁够香，有蟹子沟埋一齐食有口感、有层次。而意式的香草炸鸡翼都好入味香脆。不过价钱来说有点贵，其他区堂食嘅话应该有更好的选择。顺带一提，之前试过红酒牛柳和蒜蓉焗田螺配蒜蓉包好食，可惜当日餐牌所见没此选择。