三代橋日本料理

营业中

休息中

都唔少人听过马鞍山系一个美食沙漠 每每想寻找美食都要捐窿捐罅系大商场以外竟然揾到呢间CP值极高既日本餐厅 手指脚指都要举起赞好！入到去店铺唔算好大 有一张长bar枱 三四个卡位 同埋十张普通枱左右！打开餐牌都几多选择 有寿司 刺身 拉面 饭 窝物 样样睇相都好吸引，完全唔知点拣！同行试过既朋友就话呢间寿司出名，就嗌左几款单点寿司。三文鱼寿司食得出系用优质既三文鱼整 有甘香既鱼味带子都系必点选择，肉质相当肥厚而海胆寿司都一定要试，去食当日店员介绍有另一款海胆今日特别靓，我同同行朋友都即刻点选左一客！真系有分别！入口好香甜 正到不得了！如果怕散叫贵 可以叫六件装既寿司 分别点左软壳蟹 同 芝士鳗鱼 两款都非常好食 身边见到好多枱都点左客软壳蟹寿司食 好受欢迎 而我都好钟意鳗鱼寿司 啖啖鳗鱼配上浓郁芝士 滋味满分呀！去到仲要留意佢地既枱上小企牌 听朋友讲会定期推出唔同既限定美食 之前推出过既水蜜桃雪糕同生蚝都非常好食！ 埋单时除返开都好平 平过好多连锁寿司店 性价比高 一定会再带朋友黎食！