P.R.C. Ristorante & Caffe (已結業)

沙田之友讲过:揾食千万唔好黎马鞍山。今晚过开黎揾呢位朋友，朋友千挑万笃下终于好唔愿意咁去左呢间餐厅晚膳。叫左个二人餐，忌廉餐汤(无影相白色一pat有乜鬼好影)，饮落竟然好重奶味而无忌廉味，主菜香煎带子蟹肉红花意大利饭同埋美国安格斯肉眼扒10安士，前者饭口感一流(个人主观地喜欢食硬饭，喜欢吃稔/湿质感既饭桶应该会觉得口感偏硬)，带子亦煎得够香，但食落就唔觉有蟹肉味(可能被个汁既味道遮盖左)，红花就更加扯不上边。肉眼扒叫左五成熟，汁略嫌太丰富，遮盖左本身肉味，本身块扒亦系普通质素，始终出街食牛扒不能要求太高，都系买块靓野响屋企自己煎至稳阵。甜品焦糖炖蛋同埋芒果奶冻，前者有惊喜 ，蛋滑得黎够实净(好难做到呢个效果)，后者芒果肉偏少，但胜在够大杯，一啖咖啡一啖甜品，(咖啡质素普通，口味好个人，要品评唔该问陈豪，但咖啡配甜品就能令咖啡升class)，实在系饭后同下午茶既至高享受。埋单四旧半加一，五旧找五蚊。