Whitewood Coffee (已結業)

以往对石门呢个地方都比较陌生，但呢区近日似乎多左好多话题小店，今次就试下呢间以厚松饼作招徕既Whitewood Coffee 先 ～京瑞广场仲比较新 ，店舖不多，所以揾路期间一度以为行错路，不过店舖门口细细，的确好容易会miss左入口。不过店舖环境开扬舒服，感觉都不错。早于落单前已经决定要留肚食呢度既甜品 - 厚松饼，另外再点左两款主食：猪柳汉堡拿破仑意粉﹑香蒜白酒砚肉意粉。两款意粉既味道都不错，意粉弹牙多汁，而且配料多，份量足，都几饱肚！呢个咁好天气既weekend，慢慢坐下饮野食住等，大约20-25分钟左右，香蕉榛子厚松饼终于出场！坦白讲，因为有期望，所以有失望。呢个松饼系有所谓既空气感，但唔松软，加上又太少榛子酱，整体感觉都比较干身，所以仍然有进步既空间。