本味食堂 (已結業)

马鞍山成日比人话系美食沙漠，但其实而家已经愈黎愈多唔同种类既餐厅，今日响附近睇完中医，就见到新开左间食车仔面既，就同呀妈入去试下先。环境装修得好企理，铺头仲一路播住流行曲，坐得好舒服😌种类都系大路车仔面𩠌，三𩠌起，一碗叫左牛腩肠仔同响铃。另一碗就鸡翼尖猪大肠同鱼皮。份量都几大碗，每碗仲有几条生菜跟埋👍🏼鱼皮同响铃分开上，个鱼皮份量都唔小，因为见佢单点都$18，如果系咁跟面叫都几抵。汤底唔算太浓，但卤水啲嘢都几入味，鸡翼尖猪大肠好够味，同埋个猪大肠够肥美。我地仲叫左个小食-火炙鸡中翼，$22蚊3只，$34蚊5只。黎到虽然同我地心目中有小小唔同，简单D讲系炸鸡翼，个面洒左D粉咁，都几惹，不过有小小偏咸。另外值得一题系个菜脯，见佢写住劲辣，我同呀妈都有D怯，所以我哋只系落咗两三粒，哗！果然有料到，比起出边𠮶啲起码辣一倍，成碗野即刻唔同哂！睇返呢张相先知仲要原来系佢哋自家制👍🏼两个人食左$111，车仔面黎讲算中上价钱啦，而且送埋野饮...服务都算ok，以后响马鞍山想食面类又多个选择喇！