影片
更多
2022-09-09
222 浏览
位于九龙城嘅三和叙系一间主打炉端烧嘅日本餐厅, 当中名字嘅「三」代表三款日式料理：寿司刺身／铁板烧／炉端烧，「和」则指「和食」而「叙」就系指聚会餐厅基本上设有三层, 每层都分别主理唔同料理, 上层系铁板烧同寿司刺身omakase, 主要招待大伙人聚会, 而下层就系炉端烧, 设有吧枱同卡位, 地方阔落坐得相当舒服, 坐在吧枱前近距离望住厨师料理过程, 系一件赏心悦目嘅乐事, 有时简简单单边食下野, 边同素未谋面嘅厨师聊聊天, 一晚又过去, 放下烦恼后, 又嚟迎接第2日, 各自为梦想而努力, 三和叙就系一个咁嘅地方, 一个为客人而设嘅‘’舒适圈‘’餐厅使用真正明火炭炉，并采用日本备长炭, 为客人带嚟日本风味, 餐厅所用上嘅器具亦相当别致, 每一道菜都用上唔同款式嘅器具, 除左增强新鲜感, 背后亦有唔同寓意, 而且每一个细节位例如摆盘, 会用番果道菜色嘅食材去摆盘, 就连放系碟上嘅烟熏木片, 都系特意系日本采购, 目的就系要做到色、香、味、美俱全, 做厨师同时兼当艺术家同设计师, 认真唔简单! 当晚车车同朋友点左炉端烧Omakase, 由Mark师傅为我地烹调食物, 食足3个半钟, 美食确实
餐厅基本上设有三层, 每层都分别主理唔同料理, 上层系铁板烧同寿司刺身omakase, 主要招待大伙人聚会, 而下层就系炉端烧, 设有吧枱同卡位, 地方阔落坐得相当舒服, 坐在吧枱前近距离望住厨师料理过程, 系一件赏心悦目嘅乐事, 有时简简单单边食下野, 边同素未谋面嘅厨师聊聊天, 一晚又过去, 放下烦恼后, 又嚟迎接第2日, 各自为梦想而努力, 三和叙就系一个咁嘅地方, 一个为客人而设嘅‘’舒适圈‘’
餐厅使用真正明火炭炉，并采用日本备长炭, 为客人带嚟日本风味, 餐厅所用上嘅器具亦相当别致, 每一道菜都用上唔同款式嘅器具, 除左增强新鲜感, 背后亦有唔同寓意, 而且每一个细节位例如摆盘, 会用番果道菜色嘅食材去摆盘, 就连放系碟上嘅烟熏木片, 都系特意系日本采购, 目的就系要做到色、香、味、美俱全, 做厨师同时兼当艺术家同设计师, 认真唔简单! 当晚车车同朋友点左炉端烧Omakase, 由Mark师傅为我地烹调食物, 食足3个半钟, 美食确实令心灵得到满足!
🌟A5佐贺和牛塔塔伴鱼子酱
半生熟和牛混合洋葱粒, 口感非常丰富, 配搭日式酸汁同鱼子酱, 令味道升华, 顶层嘅金箔令整道菜更显高贵感觉
🌟海鲜
📍德岛县岩蚝, 有成只手咁大, 顶层用黑鱼子酱作点缀, 蚝肉肥美饱满, 鲜嫩多汁, 烧得岩岩好!
📍炭烧北寄贝配紫苏花
紫苏花已经成为日本菜嘅常用花之一, 为食材多添一份清新香气, 北寄贝爽嫩肥厚, 咬落去啖啖肉
🌟炭烧龙虾🦞配黑松露片🍄／龙虾膏汁
龙虾爽口鲜嫩弹牙, 配搭黑松露片同龙虾膏汁, 每一啖都充满住龙虾膏鲜味同黑松露香气
🌟荤菜2款
第一道系赤鸡🐔, 肉眼睇都已经睇到皮脆肉嫩, 食落嫩滑juicy, 非常鲜味, 第2道系鹅肝🦢配炸牛蒡丝, 鹅肝口感扎实绵密, 细腻爽滑, 入口即化, 入口时味道较浓郁，尾韵强劲然后带有淡淡嘅油脂香停留系口腔中, 牛蒡丝炸得非常酥脆, 仲可以解一解鹅肝腻感
🌟杂锦渍物
杂锦渍物有萝卜／桥头／牛蒡, 从前不爱食渍物, 大个左就开始懂得欣赏, 除左解腻亦有开胃作用, 为主菜作准备
🌟澳洲M9西冷，A5佐贺西冷，A5熊本牛柳🐂🥩
师傅特意分开三款牛肉上枱, 油份由低至高食起, 牛柳软硬适中, 肉味均匀, M9肉味比较浓有嚼劲, 而A5西冷油脂最重, 三款入面车车较喜欢为A5熊本牛柳, 外层微脆, 食落解嫩多汁, 油脂感适中, 唔会好快腻
🌟野菜2款
食完肉食番d蔬菜有助减低腻感, 是日野菜系秋葵, 银杏同冬菇, E到嘅烧野菜都相当高质
🌟季节汤
季节汤采用带子同真鲷鱼煮成, 入口鲜甜味美, 一d都唔腥!
🌟迷你和牛饭
连和牛饭都做得咁出色, 真系三和叙独有, 和牛粒口感嫩滑细嫩, 口感柔软, 肉汁丰富, 牛味浓郁, 旁边嘅饭口感湿润, 配搭野菌一齐炒, 香气满溢
🌟时令果物
少有地可以见住师傅系面前开蜜瓜, 赤肉蜜瓜味道清甜, 爽口多汁, 果肉软滑, 为丰盛嘅晚餐画上完美嘅句号
张贴
