少爺泰 (已結業)

 好耐冇食过泰国菜，难得屋企附近新开左间。梗系要同爸妈回味一下啦！餐厅装修得好靓，颜彩鲜明，座位间隔阔落，感觉好舒服。餐牌用中文字翻译成泰文，劲搞笑菠萝仔夹餐单好有心思先order个细size嘅＜Combo小食拼盘＞:虾饼同鱼饼肉质弹牙爽口；蔗虾有少少甘蔗汁嘅甜味；泰式春卷好脆吾油！点埋甜酸酱或梅子酱就更加正！跟住来碟＜咸肉炒椰菜苗＞:椰菜苗用咸肉加蒜头香炒，翠绿香口，咸肉肥瘦适中，吾太肥腻！再来多碟＜泰式什菜野菇炒金边粉＞:金边粉配搭什菜、野菇、豆干、芽菜同鸡蛋等食材香炒。碟粉炒得够干身，芽菜爽口，加埋花生粒同青柠汁，更加美味！最后出场嘅＜溶岩椰青海鲜焗饭＞:卖相如其名，椰蓉好似溶岩涌出，海鲜超大，d饭吸收晒椰汁香味，甘甜可口！值得一试！再饮埋杯椰青水，清甜解渴。