賞島咖啡屋

营业中

休息中

放假又约朋友去太子行街，行完花园街再睇下啲金鱼同动物。最后行埋花墟开始有啲攰谂住同朋友喺附近揾啲嘢食下早去一间西式cafe食物质素好好。赏岛咖啡屋 太子花园街233号伟雄大厦地下。 餐厅地方虽然唔大，但系座位嘅空间感好足够，装修得好有格调好有文青feel。前菜沙律，沙律菜份量都好多，味道清新，食完特别开胃。蜜糖芥末炸鸡粒 38元。炸鸡份量好多，鸡粒炸到金黄色外脆内暖，入面仲好juicy，食落去鸡味香浓配上芥末酱汁令到个味道更加有层次。玛莎拉牛肉烤饼 148元。牛肉配烤饼味道非常夹，烤饼焗到啱啱好，好香口。夹牛肉同烤饼一齐食，味道好有层次，牛肉肉质嫩滑香料味道配搭得啱啱好。西京烧比目鱼 188元比目鱼卖相好吸引，份量好多，鱼肉煎到啱啱好鱼皮香脆，鱼肉嫩滑味道鲜甜，配上餐厅嘅酱汁同香料令到鱼嘅鲜味更加突出。