一番風味 (已結業)

又系良朋饭聚时间，今次食呢间餐厅嘅舖面唔算好显眼，路过见到门面贴咗蟹羔粥嘅图片，又几吸引wor，所以就食呢间啦。我地点咗3样野，食得好饱。招牌羔蟹粥 - 果然系「招牌」，一开盖就见到大大只蟹盖，差少少就成个煲咁大，仲要系爆羔嘅蟹盖! 除咗蟹盖爆羔之外，d粥都唔野少，睇颜色就知，鲜艳橘黄色，粥底鲜味十足。呢煲蟹粥系用咗一整只肥美嘅大羔蟹，脚、钳都系鲜嫩多肉。呢个粥嘅份量大概可以分到7-8碗。D人成日话去澳门食蟹粥，原来香港嘅蟹粥仲好食!避风塘炒虾 - 避风塘系列系代表香港嘅菜式，蒜头不能吝啬先至做到精粹。呢个炒虾就系视觉上已经差d比蒜粒活埋，臭觉上已有令人流晒口水嘅蒜香，口感上有弹牙嘅大虾，味觉上满满蒜香鲜虾又带点微辣嘅满足。香港名菜系列，I'm loving it!黑椒焗乳鸭 - 店员话呢个系新出嘅，$58/只，比较少见黑椒整乳鸽，价钱又ok﹐所以叫只嚟食下。虽然唔算系咩特别菜式，但加咗黑椒焗嘅乳鸽又真系香口好多，能够系普通嘅菜式加上一d变通、新意，追求更好，正正系我欣赏嘅。