星期二薄餅皇 (已結業)

大前日(4-4-2016 Mon)清明节假期,同老公返沙田买𩠌时,决定呢晚食星期二薄饼皇pizza,买完𩠌返屋企休息后,差唔多时间,与其去到至叫至得佢做,不如打电话叫佢做o左先,约定时间至去攞,而且可以先问清楚价钱,于是打去问.问呢日o既pizza几钱,佢答$52.00(原来星期一至五,包括公众公假都一样).啊,咁我要个8”o既挪威pizza,馅系烟三文鱼,洋葱,粟米,蟹柳千岛酱,不过呢个要加$5.00.落定单,佢问我想几点攞.我问佢依o家即做几点有得攞?佢就好谨慎咁话睇吓依家几点先,大家睇睇,之后佢俾o左个实时(系20分钟后).呢点唔错,唔会令大家误会几点.咁老公就出去,自己预时间去攞,攞到返o黎已经冻o左喇,打开睇,pizza好肥满,食落,觉得千岛酱好够味,原本惊烟三文鱼同千岛酱唔夹,但唔系,可能佢用o既呢只烟三文鱼本身淡淡地啦.而其他馅料都冇问题,呢个味道其实都好食,不过系冻o左,我谂堂食会好啲.