影片
更多
2018-10-23
51 浏览
之前上深圳同d朋友食过小龙坎，返黎见到有间云长小龙坎仲以为真系咁多山寨版，于是胆粗粗就去试下。听店长话其实云长小龙坎同小龙坎其实系老板两兄弟分家后ge结果。哦!明晒，姐系谭仔同三哥啦，哈哈。言归正传，呢间云长小龙坎同系大陆食ge火锅比，d口味更适合唔系点食辣/岩岩开始食辣ge人。由于同行ge朋友唔太食得辣，所以点红油麻辣锅ge时候叫左小辣。只见佢食唔停，所以怕辣ge朋友都不妨来一试。净系食辣就好单调，钟意尝试唔同口味ge我紧系要叫鸳鸯锅，一次过满足两个愿望。今次点ge系红油麻辣锅配清香药膳锅，食完辣再食药膳感觉好滋补，大大减低打边炉ge罪恶感。价钱方面我认为可以接受，鸳鸯只系$138，因为其他火锅都是差唔多价，甚至再贵d。打得边炉一定要食肉，我个人好钟意食牛舌，所以第一时间点左来试。呢到ge手卷牛舌花($78)建议煮20秒，个人试过真系唔好过20秒，如果唔系会好un；相反20秒内夹返上黎，你会发现呢到ge牛舌既爽口又弹牙。唔好睇呢到ge牛舌切到甘薄，煮20秒已经令佢散发阵阵油香，谂起都觉得正！再来一客龙哥牛肉卷($88)，呢个建议煮1分钟。呢个系推介ge配菜，牛肉包住莞茜，无错系莞茜
仲以为真系咁多山寨版，于是胆粗粗就去试下。
听店长话其实云长小龙坎同小龙坎其实系老板两兄弟分家后ge结果。
哦!明晒，姐系谭仔同三哥啦，哈哈。
言归正传，呢间云长小龙坎同系大陆食ge火锅比，d口味更适合唔系点食辣/岩岩开始食辣ge人。由于同行ge朋友唔太食得辣，所以点红油麻辣锅ge时候叫左小辣。只见佢食唔停，所以怕辣ge朋友都不妨来一试。
净系食辣就好单调，钟意尝试唔同口味ge我紧系要叫鸳鸯锅，一次过满足两个愿望。今次点ge系红油麻辣锅配清香药膳锅，食完辣再食药膳感觉好滋补，大大减低打边炉ge罪恶感。价钱方面我认为可以接受，鸳鸯只系$138，因为其他火锅都是差唔多价，甚至再贵d。
打得边炉一定要食肉，我个人好钟意食牛舌，所以第一时间点左来试。呢到ge手卷牛舌花($78)建议煮20秒，个人试过真系唔好过20秒，如果唔系会好un；相反20秒内夹返上黎，你会发现呢到ge牛舌既爽口又弹牙。唔好睇呢到ge牛舌切到甘薄，煮20秒已经令佢散发阵阵油香，谂起都觉得正！
再来一客龙哥牛肉卷($88)，呢个建议煮1分钟。呢个系推介ge配菜，牛肉包住莞茜，无错系莞茜，估唔到咁ge配搭又几好味。同行朋友系一个极讨厌食莞茜ge人，但呢个牛竟然吸引到佢食，不得了~
食完牛就紧系要食猪，猪我会推介玫瑰猪颈肉($58)，唔算贵但好好食。呢个同样建议煮1分钟，呢到ge猪颈肉相当新鲜，食多d都唔怕！
相信牛猪一定满足到大家ge口味，但我跟住要推介ge系未必咁多人钟意ge羊肉。我见到内蒙羊架($68)，心思思想试，我个人都食羊，但好怕食好膻ge羊。呢个羊架无令我失望，羊膻味比孜然遮盖住，煮5分钟你就会闻到阵阵ge鲜羊肉味，真心推介呢味！！！
肉ge推介系咁多，无计啦我太嘴刁啦。其他配菜我会推介冻豆腐($38)，呢味系可以帮你好好品尝汤底ge食材，佢会帮吸晒d汤，你一咬就挤返d汤出黎，成个口都接受汤底ge冲击，坚正呀！！冻豆腐可以因应个人喜好选择煮几耐，个人觉得越耐越滋味~
最后为大家推介甜品红糖糍巴($58)，红糖糍巴系大陆ge火锅店好常见，但每间餐厅既红糖糍巴都有唔同风格。呢到ge红糖糍巴相对大陆ge细只d同脆d，加上食完唔腻ge红糖，食饱正餐都要叫黎食！
希望大家同我一样可以享受一个相对港式ge麻辣火锅~
张贴
