忠記粉麵

营业中

休息中

比起一年前𠮶个少人咗好多，又系吸引游客嚟自虐嘅地方，夏天只有强劲嘅风扇，同埋档主嘅小背心，行入去基本间间都系食差唔多嘅嘢，粥粉面饭，下午茶最多整个西多，时间系星期日嘅晏昼3:00左右，拣咗个所谓招牌嘅云吞捞面，味道正常，调味就系你同我屋企都有嘅蚝油，$45喺尖沙咀OK啦，𠮶罐嘢饮系出边免费派嘅（亦都系尖沙咀嘅好处），主要系食感觉。喺右边𠮶碗汤其实几够味道，枱上有多种调味料，档主话辣椒酱系自己调，本人唔食得辣，唔识得欣赏。另外听闻佢哋讲档与档之间都唔系friend，背后互相沮咒又话抢边个客嘅生意，我当食花生听吓都几搞笑，希望你哋唔好打交啦。