四川辣妹子 (已結業)

好喇，我决定同大家介绍下 #四川辣妹子 耀哥嘅隐世美食 （殊 🤫，餐牌冇架！）。由于本人好鬼麻烦，钟意食鱼但又怕食鱼皮，净系鳝嘅皮先会食。所以，就谂到胆粗粗问下耀哥可唔可以整到水煮白鳝。其实呢道水煮白鳝，系我旧年已经试过同耀哥落柯打，今次系第二次食。呢度一煲大约有一斤白鳝左右，件件粗身厚切，鱼肉新鲜弹牙结实，鲜味十足，非常好食。配料有黑木耳、豆卜、秀珍菇、灵芝菇、洋葱、芽菜，而香辛料就有辣椒、芫荽、芹菜同蒜头，非常丰富，净系食哂呢煲嘢，一个人已经饱到上心口！记得喇，想试嘅朋友一定一定一定要预早几日前向耀哥落订，否则系一定冇得食架！