潮滙館 (已結業)

老公話想食潮州菜，打開openrice 就搵到 潮滙館，一入到去侍應豪氣招待，見到入面懷舊打冷裝修。6點坐底咗一陣，8成坐位坐滿，睇黎都唔少人幫襯。老公話個咸酸菜好食！我哋叫咗👉🏻滷水拼盤$188鵝腸、鵝片、鵝肝潮州鹵水拼盤關鍵在於鹵水嘅味道，汁入味恰到好處，鹹淡適中。 鵝肉火候掌握得十分唔錯，唔會感覺肉質老同韌。我就鍾意鵝腸爽口，老公就鍾意鵝片。👉🏻瑤柱蛋白炒飯$88飯中有芥蘭粒，芥蘭係含豐富維他命K，仲係人體凝血機制嘅重要元素❗️ 瑤柱係天然味添劑，非常百搭，雖然菜式唔算太特別，但味道岀色，唔會好似一啖鹽食落肚，小朋友非常岩食！👉🏻香煎蠔餅洛$78熱辣辣嘅蠔餅，老公最愛❗️👍🏻雖然煎蠔餅無炸嘅咁酥脆香口，但蛋香十足，煎蠔餅微脆中帶點煙韌，配上新鮮蠔仔。食嗰時點上魚露更好食❗️👉🏻蠔王北菇海參煲 $128要食入味嘅海參呢間做得到！老少咸宜嘅海參好有營養嫁！加埋冬菇嘅香味呢煲嘢咁正嘅，味道夠材料足，入面仲有6舊海參4舊冬菇！海參有好多DHA,哺乳媽媽可以食不過唔好過量避免塞奶！