影片
更多
2022-09-06
243 浏览
西贡地铁站开通啦，讲笑咋，仲嫌西贡唔够多人咩🫠幅墙系牛牛入面，打卡玩人实有人上当，因为我试过🤭 今次系二访牛牛，上次嚟食冇写到食评老公食过一次之后系咁嘈住话要再嚟食，超烦咁又真系几好食嘅，落雨都阻止唔到我哋 ✦ 黑松露滑蛋饭啲黑松露酱多到好似唔洗钱咁，劲大方滑蛋生熟度控制得啱啱好蛋汁+ 黑松露酱捞饭一流，够晒惹味 推介指数：❤️❤️❤️❤️🤍 - ✦ 沙嗲牛肉面 $𝟺𝟻沙嗲汤底好浓，沙嗲偏甜牛肉好淋好滑，唔似梳打牛咁冇晒质感牛肉嘅份量都几多咖 推介指数：❤️❤️❤️❤️❤️ - ✦ 流沙咸蛋黄薯条 $𝟹𝟾新鲜炸起每条都脆卜卜同埋每条薯条都好均匀咁痴满晒咸蛋黄碎唔算好重咸蛋黄味，所以一啲都唔漏，食到唔停口 推介指数：❤️❤️❤️❤️❤️ - 老板同老板娘都好𝑛𝑖𝑐𝑒，介绍野食之余又会吹吓水咁上次埋单果时，老公拎咗一袋神沙出嚟慢慢数其实唔系太好意思，但难得有机会用同埋记得用点知老板娘见到，仲话用剩果啲神沙可以同佢唱埋终于都唔洗担心啲神沙点洗啦，如释重负 今次去系落紧雨，有一对情侣同埋狗狗坐咗喺出边张枱无啦啦落狗屎，吓到狗狗缩埋一旧老板娘见到呢个情况，都好欢迎狗狗入去舖头入面虽然狗狗最后都冇入到铺头但呢啲人情
西贡地铁站开通啦，讲笑咋，仲嫌西贡唔够多人咩🫠
幅墙系牛牛入面，打卡玩人实有人上当，因为我试过🤭
今次系二访牛牛，上次嚟食冇写到食评
老公食过一次之后系咁嘈住话要再嚟食，超烦
咁又真系几好食嘅，落雨都阻止唔到我哋
✦ 黑松露滑蛋饭
啲黑松露酱多到好似唔洗钱咁，劲大方
滑蛋生熟度控制得啱啱好
蛋汁+ 黑松露酱捞饭一流，够晒惹味
推介指数：❤️❤️❤️❤️🤍
-
✦ 沙嗲牛肉面 $𝟺𝟻
沙嗲汤底好浓，沙嗲偏甜
牛肉好淋好滑，唔似梳打牛咁冇晒质感
牛肉嘅份量都几多咖
推介指数：❤️❤️❤️❤️❤️
-
✦ 流沙咸蛋黄薯条 $𝟹𝟾
新鲜炸起每条都脆卜卜
同埋每条薯条都好均匀咁痴满晒咸蛋黄碎
唔算好重咸蛋黄味，所以一啲都唔漏，食到唔停口
推介指数：❤️❤️❤️❤️❤️
-
老板同老板娘都好𝑛𝑖𝑐𝑒，介绍野食之余又会吹吓水咁
上次埋单果时，老公拎咗一袋神沙出嚟慢慢数
其实唔系太好意思，但难得有机会用同埋记得用
点知老板娘见到，仲话用剩果啲神沙可以同佢唱埋
终于都唔洗担心啲神沙点洗啦，如释重负
今次去系落紧雨，有一对情侣同埋狗狗坐咗喺出边张枱
无啦啦落狗屎，吓到狗狗缩埋一旧
老板娘见到呢个情况，都好欢迎狗狗入去舖头入面
虽然狗狗最后都冇入到铺头
但呢啲人情味都唔系间间小店有咖🥰
张贴
