味千拉麵

营业中

休息中

女朋友一直都话想试味千拉面下午茶，话好抵食，三十几蚊有碗拉面食好抵，我自己一直对味千都冇乜特别感觉，去试下冇所谓，今日星期六出到旺角都2点几，去到味千门口望下，原来星期六都有下午茶，仲要爆场添，咁系真好似几抵，望下个餐牌，33蚊可以食到一碗叉烧拉面，又好似唔错㖞，我就要左一碗吉烈猪扒拉面（42蚊）， 用手机落单仲要即刻比埋钱，等左一阵第一碗叉烧拉面到左，好香蒜蓉味，食落味道都正常，叉烧都正常，不过到我果碗吉烈猪扒拉面就好奇怪，猪扒同拉面分开上，我觉得都合理，不过望下碟吉烈猪扒完全唔系一块猪扒切开，好似头头尾尾咁拼唔到埋一块完整既猪扒，再望真d点解d肉会红色既..........即刻用筷子整开佢外层炸皮，真系有冇搞错入面系港式烧味铺既叉烧嚟既！？ 4旧都系咁，粉就好厚包住d叉烧，唔怪得拼唔埋， 食到最后一旧仲有酸臭味，完全唔掂，42蚊当自己买个教训，呢世都唔会再食老千拉面