老夫子港式餐廳 (已結業)

起emax 睇完戏顺道揾野食，呢间老夫子餐厅装修几特别，环境大野食又唔贵，一于试下先。✨二人餐都系$198, 仲唔使加一， 懒得谂就食呢个啦😆唔啱既话仲有煲仔饭，汤面，小炒等等。✨佢碗饭实在系超大，剩系食到一半就投降✨烧味拼盘有叉烧，海蜇，红肠，熏蹄。 最钟意食既系红肠😛， 海蜇甜甜地有d 芝麻香都几好食。 叉烧虽然未算肥美，但系唔会太瘦，都ok~~呢个拼盘都几有份量。✨上汤浸娃娃菜，呢味清清地够健康。✨葱油肥鸡半只：我觉得呢个鸡最好食，d 葱好香，拎黎送饭一流。鸡脾同鸡背位真系劲滑劲嫩，加埋d 油香真系无得弹，不过鸡皮都真系几肥🤣所以我都放弃左d,但味道系非常正。✨另外上菜速度都好快，所以睇show 前黎速食啱晒。