老夫子港式餐廳 (已結業)

今日到訪的這間餐廳, 門面設計簡潔鮮明。裏面環境非常闊, 冷氣充足。最緊要坐下來不會非常擠逼。當日媽咪生日都想同食一餐好嘅。位置在九龍灣展貿中心。當日剛剛公司放工,覺得肚子很餓。到達的時候令我印象深刻是牆壁上有多款壁畫。加上後現代設計,富有時代感。餐牌相對其他食店而言簡單easy，只專注做多種主打菜，尤其是一些傳統港式美食。從各種細微處可以看出店主的心思。1.這次點了非常出名的花膠牛腩榨菜肉碎飯。生熟度剛好入口又嫩滑。花膠味慢慢滲出，不但野味，肉質鮮味彈牙趁熱食咗佢。價錢不會太貴，而且花膠也有保暖養生的作用。另外點了榨菜肉碎飯非常有驚喜。

嚟過幾次，以往嚟親九展睇戲，都係睇戲前必到之選，事隔兩個月再嚟，服務態度奇差！我並唔係要求茶餐廳地方會有酒店級嘅服務，但可以令我全程無胃口，一絕！剛坐低睇緊餐牌就有職員埋嚟想落單，我睇都未睇完，同佢講轉頭先就黑口黑面！問攞茄汁好似要乞咁，第一次俾樽底嗰幾滴，再問就俾碟仔配給咁，茄汁咁貴架咩？其他餐廳都係成支擺低啦⋯⋯食物已經唔係特別出眾，貪佢好坐先會再幫襯，但以後情願坐KFC都唔會再嚟貼錢買難受！！

今日老公提議去九展的老夫子主題餐廳吃晚飯。行過門口看到價錢 非常貼地比多數主題餐廳收費較便宜合理先到門口已看見很多老夫子和他朋友們的肖像還有兩個老夫子的雕塑。 梳化及椅子也充滿了老夫子衣服特色。順道介紹老夫子給小女兒認識。老公點了個 脆皮燒腩仔 四寶飯因為好早冇叉燒轉咗燻蹄。 燒腩仔係好脆好香嘅成碗飯， 鹹蛋唔算好鹹，蛋黃很粉 ，老公唔使十分鐘就食曬。我點了個 雙重芝士窩蛋牛肉煲仔飯， 打算同小女兒分享， 點知佢 仲食得多過我。煲仔飯大概等了20分鐘， 現場加了窩蛋然後再等三分鐘， 煲仔飯焦不算多，也不夠脆。 牛肉很嫩滑沒有筋。 沒有很重芝士味 ，但也是拉絲芝士。總括沒有太大驚喜。

星期五晚德福淘大勁迫人，所以今晚揀左係九展睇戲兼食飯。九展有好多野食揀，行下行下見到熟悉既公仔，原來老夫子餐廳搬左黎九展。依度裝修比舊舖靚同闊落，睇餐牌舊舖係食西餐多，依度就係食家常小菜多，價錢大眾化左同埋選擇又多左。諗都唔諗就衝左入去，先揀咗個二人套餐同埋兩個小食，套餐既雞同燒味併盤都好好味，另外最正係兩個小食（豬頸肉同埋魚餅併春卷），四個人食都食到好飽。原本想試多兩個小食，但因為碟頭份量都好大，個個都肚都好滿足了，只好下次再黎試。食飽之後就要做另外重要既事：影相！個個位都係咁影影影，影到夠皮就坐低傾計，最後我地由六點坐到九點，直到佢地收工先肯走。

今日放假 同朋友去左九龍灣國際展貿中心行outlet，行行下發現開左好多餐廳，上到二樓 遠處見到有個老夫子銅像，就吸引左過去打卡！我細細個已經有睇老夫子漫畫😂 之前上網見到有人介紹過用老夫子做主題既餐廳 已經好想去尼間用老夫子做主題既餐廳，主要係食港式的食物，價錢不貴，座位好多而且好闊落，坐得幾舒服，周圍都有好多老夫子的報置，仲不停播老夫子既歌，好有回憶的餐廳。#奇味麻辣口水雞口水雞份量好多 個口水雞汁好正，而且辣度岩岩好好，仲有好大陣麻香味#無骨海南雞配油飯跟餐有個餐前小食 就係手拍青瓜做前菜，個湯係蘿蔔湯，雖然味道較淡，但好好飲，好香蘿蔔味，唔係味精湯加左$10 轉雞腿位，份量都算多，但雞肉唔算好滑，不過因為去晒骨，食起上黎好方便，勝在啖啖肉，沈左少量芝麻係面，食起上黎好香，而個飯有油香味，好入味

今日又去九龍灣上堂，上堂之前約咗同學仔一齊食餐飯同一齊做功課，嚟到九龍灣展貿呢間老夫子餐廳，同層樓附近仲有幾間餐廳，可能因為平日晚上，呢度都比較靜。餐廳內有好多老夫子嘅裝飾，仲不停播着嗰首老夫子歌（但其實我唔識呢隻歌），作為一個本地嘅著名漫畫，我覺得其實呢間餐廳應該可以成為旅遊熱點，吸引外國遊客！食品選擇方面，佢有個二人餐和四人餐，另外就可以揀飯、麵、燒味、炒野等，我哋叫咗一個咕嚕肉飯（$63）、脆皮燒腩仔豉油雞髀飯（ $65 ）、熱浪芝麻雞翼（ $48 ），同埋加咗$10要一碟油菜。個咕嚕肉飯估唔到都幾好食，咕嚕肉炸得好鬆脆，仲有三色椒、菠蘿、洋蔥等配料，個汁又好好味，酸酸甜甜十分開胃。個燒味飯相對冇咁吸引，但係燒腩仔個皮都卡卡聲好脆。雞髀啖啖肉，勁多豉油汁。熱浪芝麻雞翼好好食，有四隻雞中翼連埋雞翼尖，炸得好脆，外脆內嫩！油菜都幾大碟，係娃娃菜，加$10都抵。餐茶飲熱奶茶和菜蜜，都唔錯呢！

用老夫子做主題的餐廳,周圍都有好多老夫子的報置,而且仲有老夫子的歌~好有回憶的餐廳。餐廳主要係食港式的食物,價錢不貴,而且坐得舒服,空間感廣闊。朋友係附近收工,所以一齊去試下,叫左個口水雞河粉, 河粉硬度適中,湯底係清湯,河粉撈埋個口水雞汁好正,好配,而且辣度岩岩好,仲有麻香。無骨海南雞飯跟蘿蔔湯,個蘿蔔湯好好飲,好香蘿蔔味,個海南醬有點黑糖味, 甜甜酸酸的,個飯有油香味,好入味。凍檸茶個茶底香,同細個果時係茶餐龐飲的味道是一樣。呢間餐廳在食物同裝修上都好用心,好值得推介。

Lunch time 過黎Emax～一眼就見到老夫子醒目既照牌我點了「是日精選」的海鮮荷葉飯，份量十足，海鮮方面主要有乾瑤柱同蝦仁🍤，飯充滿荷葉味，唔錯～加了$10一碟油菜，每次黎必點因為真係好清，唔油膩，無味精！冬瓜紫菜湯味道清清地，仲有d蔥花調味～飲品點了凍鴛鴦走冰，咖啡味濃，茶底厚，like it!朋友點了陳小姐紫菜水餃面，水餃大大粒，多紫菜仲有個前菜送：涼拌青瓜，味道涼涼地，辣辣地～朋友點了凍奶茶，餐飲夠冰凍，茶味香，夏天飲一流！

睇完名牌開倉展，周圍揾野食醫肚，咁就被我發現左呢間裝修有特色的老夫子港式餐廳。老夫子漫畫風格的設計，色彩繽紛。為餐廳增添了活潑的氣氛，許多打工仔，中午來食個飯休息一陣，有益身心健康。餐牌野食選擇不算多，但中午提供脆皮燒腩仔系列，仲有是日精選，價錢相當抵食。送熱飲，凍飲就要加3蚊，油菜就加10蚊。我地食XO醬乾炒叉燒河同四寶河。炒叉燒河都算乾身，份量滿足。四寶河有牛肉丸，貢丸，魚皮餃，魚丸，配有青菜同紫菜，很豐富。

放假到E-Max看電影，時間尚早，看見老夫子餐廳試業，很多老夫子有關擺設、人物。還以為是普通冰室，怎知道會有老公想吃的口水雞，嚷著要吃就不妨試試吧！老公二話不說，叫了二人套餐。🔆燒味拼盤（叉燒、海蜇、燻蹄、紅腸）- 很港式的燒味拼盤，必有的海蜇QQ的，麻油味很香；叉燒肥瘦適中；燻蹄爽口；紅腸也不錯～🔆麻辣口水雞 - 主角口水雞，份量頗多，上枱效果很好。麻辣味適中，鋪在雞上的炸蒜，惹味又好吃～🔆上湯浸時蔬 - 上湯浸娃娃菜，顯得更加清甜，娃娃菜與上湯互相融合，爽甜多汁。🔆不想吃太多白飯，幸好這個餐有另外選擇，我倆每人一碗雞湯米粉，剛剛好～🔆熱咖啡、熱奶茶 - 即磨咖啡頗香濃；奶茶茶味濃郁，不加糖更可細味奶茶的茶香。👕這裏的員工上衣與餐椅背是一樣款式的，很可愛～沙發、餐檯櫈組合都特別用了粗黑線及實色造成很漫畫的感覺。雖然這時段很忙，但我發現員工很有耐性及禮貌，值得一讚！♥️王家禧先生（ 筆名王澤）的老夫子是很多香港人的回憶，四處都是打卡點，拍照可以拍個不停。好玩好吃，不錯！♥️

兩年前去左太子果間老夫子餐廳食，今日九龍灣國際展貿開左間茶餐廳，一定要去試試去到展貿上2樓，入左food court 行到都好入先搵到間老夫子茶餐廳！但都易搵，一條直路行到尾就見到去到有侍應安排坐底，我地兩大兩小包括一個一坐低就話唔食野既小朋友，叫左一個鹹蛋四寶飯，時菜牛腩炒麵，三寶蝦醬豬頸肉煲仔飯！野食未到時，梗係周圍參觀影下相打下卡野食到啦！呢個鹹蛋四寶飯有叉燒，滷水雞翼，紅腸同鹹蛋！我大仔一個人食晒咁濟，話個叉燒好好味呢個時菜牛腩炒麵...個炒麵係即炸家好脆，d 汁又多！超正！個唔食野既細仔食完都話好味到個三寶蝦醬豬頸肉煲仔飯到時，侍應幫我地淋豉油話1分鐘後開蓋就食得！開蓋時聞到好香蝦醬味見到d 飯白色冇咩豉油時，仲諗緊可能唔夠味，點知食落又好香喎！到食到飯焦時，d 飯焦好脆唔會硬！我地幾個爭住食！細仔仲話下次一定要再黎食！第一次見佢清碗後話要再黎！叫左一杯凍奶茶，凍檸茶，凍金桔青檸總括嚟講，野食好味，又抵食埋單都係$220 一定會再encore

老夫子係每個香港人既回億，兒時最喜愛看的漫畫，有日跟朋友閒聊，原來九龍灣展貿開左間老夫子特式餐廳，剛好又約了朋友看電影，就決定看電影前吃個午餐。餐廳門外有很多老夫子擺設和裝飾，我也忍不住喝老夫子合照，餐牌主打港式燒味、海南雞，我和朋友分別點了脆皮燒腩仔豉油雞骴飯和燒腩仔四寶粉、凍利賓納、凍咖啡。脆皮燒腩仔豉油雞骴飯 - 燒腩仔外皮極香脆，油脂分佈平均，雞骴嫩滑，加上薑蓉天衣無縫，正宗港式味道。燒腩仔四寶粉 - 叉燒帶配靚磚紅色、肥瘦比例均衡，份量之多都吃不完。總評：正宗港式味道

香港有不少主題餐廳，在我而言，最有FEEL的人物一定係老夫子，老夫子漫畫 陪伴了幾代香港人成長，知道九龍灣開了一間老夫子餐廳，當然要去打打卡。餐廳裝修很有心思，門外除了主角老夫子外， 還有漫畫中的其他角色，燒味、麵、飯、炒的餐牌，分別有大番薯、陳小姐 、老夫子和秦先生。收銀位置看到窗內的老夫子和大番薯，彷如置身於漫畫中的世界裏一樣。進入到餐廳，就看到搞笑的老夫子蹲在地上，拿著戒指，一定係見到陳小姐餐廳面積頗大，格局似購物商場內的Food Court，空間感大，沒有一般餐廳的侷促感覺。香菇素鮑菜粒飯 - 很多香菇，香味十足，素鮑口感爽滑，加上調味料的幫助，味道真的有一點似真鮑魚，加上菜粒，更加爽口。轉配熱蜂蜜柚子茶加$13 - 很多柚子，味道清香，甜甜蜜蜜，很潤喉。 自家制燻蹄豉油雞脾飯，轉配凍金桔青檸加$13，雞髀賣相不錯，朋友話燻蹄和金桔青檸都很好味。泰式豬頸肉 - 泰式風味十足，賣相吸引，香口惹味，配上泰式酸辣醬汁 ，更加好味。

for 80s or  70s should know this localhong kong cartoon character.my first time viste this restaurant and supply local Hong kong food. like noode ad caont tyle bbq meat platter.the placce os larger and decorate with many cartoon charaters backdrop. during lunch time is east to get a table. i have ordered canton bbq meat platter. cos i am a meat lover. 火腩脆身可口，燻蹄加甜白醋汁也不錯

今日黎到九展做野，中午放飯發現呢間主題餐廳幾得意。老夫子主題，環境非常有趣，周圍都係老夫子主題角色，連枱櫈都有特別製作。餐廳主打港式美食，同事叫左燒味飯，看似唔錯。我就叫左一碗麵，另加一啲小食大家Share。 柱候牛筋腩麵  套餐跟醃青瓜。牛筋腩麵 非常大碗，超多牛腩，牛筋腩都燘得好入味，非常腍滑。幼麵都相當爽口彈牙，非常不錯。值得一提就係奶茶真係唔錯，原來是用金茶王茶底，今日實在太熱，叫左凍奶茶，味道都茶香味非常濃，相信熱奶茶會更好味。 泰式拼盆  非常澎湃，有四大款菜式，豬頸肉有好香嘅香茅味，燒得好透，邊位微脆，非常惹味。泰式魚飯味道好香，春卷香脆唔油膩，札肉味道不錯。 熱浪芝麻雞翼  四大隻雞翼炸得香脆，外皮脆卜卜，仲有芝麻辣粉，帶微辣好開胃，雞翼仲好Juicy，非常好味。 港式主題餐廳裝修有趣，食物味道都相當不錯，經過附近的話值得一試。