影片
更多
2017-10-15
4570 浏览
出卖年龄系列！老夫子漫画！唔好话我知你未睇过丫！平时好少会介绍卡通/人物主题餐厅，因为觉得真系好唔抵食！明明同一样野（尤其系食咖哩饭𠮶间呢），纯粹砌到个样唔同，甚至只系加块公仔牌就收贵几十蚊！不过今次依间老夫子主题餐厅撇除咗童年回忆 呢个因素外，佢嘅性价比明显俾一般高，而且食物款式够多。带大家上楼上睇吓啦！上到2楼转身一望，你会见到好多由漫画封面改制而成嘅玻璃窗！都真系几怀念⋯记得我最早期接触老夫子嘅事后，本漫画嘅纸质系好似草纸咁嘅。到后期转咗钉装同纸质，头几页仲变咗彩色添！不过我记得连价钱都贵埋，所以慢慢就无再买喇！门口前面已经有经曲角色，老夫子同大蕃薯嘅公仔俾大家影相！系㖞⋯秦先生呢⋯入面嘅装修同设计亦明显花咗唔少心机！上至天花；下至坐椅，都加入咗老夫子入面嘅元素！墙身上嘅壁画更加系细致得惊人！而近门位置就有一部「仿」车！绝对系影相位！入少少嘅位置仲有几格浪漫嘅卡位添！就连餐牌，佢地啲菜式名都系用四字语/成词起名，真系会令我谂返起本漫画！所以记得要留意埋佢地嘅餐牌！餐厅有好多旧式茶记常见嘅野食，例如：龙争虎斗 ( 瑞士鸡翼 )、坐享其成( 瑞士汁牛河 )、世外桃源 ( 焗猪扒饭 )
出卖年龄系列！老夫子漫画！
唔好话我知你未睇过丫！
平时好少会介绍卡通/人物主题餐厅，因为觉得真系好唔抵食！明明同一样野（尤其系食咖哩饭𠮶间呢），纯粹砌到个样唔同，甚至只系加块公仔牌就收贵几十蚊！
不过今次依间老夫子主题餐厅撇除咗童年回忆 呢个因素外，佢嘅性价比明显俾一般高，而且食物款式够多。
带大家上楼上睇吓啦！
上到2楼转身一望，你会见到好多由漫画封面改制而成嘅玻璃窗！都真系几怀念⋯
记得我最早期接触老夫子嘅事后，本漫画嘅纸质系好似草纸咁嘅。到后期转咗钉装同纸质，头几页仲变咗彩色添！不过我记得连价钱都贵埋，所以慢慢就无再买喇！
门口前面已经有经曲角色，老夫子同大蕃薯嘅公仔俾大家影相！系㖞⋯秦先生呢⋯
入面嘅装修同设计亦明显花咗唔少心机！上至天花；下至坐椅，都加入咗老夫子入面嘅元素！墙身上嘅壁画更加系细致得惊人！
而近门位置就有一部「仿」车！绝对系影相位！入少少嘅位置仲有几格浪漫嘅卡位添！
就连餐牌，佢地啲菜式名都系用四字语/成词起名，真系会令我谂返起本漫画！所以记得要留意埋佢地嘅餐牌！
餐厅有好多旧式茶记常见嘅野食，例如：龙争虎斗 ( 瑞士鸡翼 )、坐享其成( 瑞士汁牛河 )、世外桃源 ( 焗猪扒饭 )等等⋯
道高一尺 $48
秦先生玩意(菠萝黑钻石)
［分数：7.5/10］
言归正传，先嚟一杯特饮！咁多饮品之中，最有特色一定系以3位主角命名嘅饮品！道高一尺-秦先生玩意，本身系一杯菠萝凉粉梳打，但最可爱嘅地方系加咗一大个绵花糖上去！要自己边倒边塞啲绵花糖落去，饮落竟然无想像中咁甜，当然亦都可以就咁食咗啲绵花糖先啦，呃like一流！
种瓜得瓜 $48
老夫子南瓜汤
［分数：8/10］
种瓜得瓜呢个名易估少少，就系南瓜汤喇～南瓜味几重，而且打得多绵滑，餐汤仲会跟埋牛油餐包！软熟嘅餐包对我嚟讲真系好重要！西汤配餐包系好味过蒜蓉包好多㗎！
龙争虎斗 $68
瑞士鸡翼(4只)
［分数：8/10］
经典小食「瑞士鸡翼」一份有4只，每只都好肥美饱满～瑞士汁嘅颜色亦分布得好靓好平均！入口甜甜地唔会太咸，腌得入味，鸡翼肉质仍然嫩滑，唔错！
坐享其成 $88
瑞士汁牛河
［分数：7.5/10］
瑞士汁牛河我都唔系好明点解叫「坐享其成」，因为基本上我地成餐都系坐享其成咁等食！河粉上面舖满晒牛肉，真系多得有啲过份！颜色睇落都几深，但食落口一样唔会太咸，不过啲河粉夹嘅时候比较易断，始终无干炒牛河咁多油，难免有咁嘅情况。
世外桃源 $88
焗猪扒饭
［分数：7.5/10］
焗猪扒饭嘅份量同样十足！上面嘅芝土面焗到焦黄色，相当吸引！猪扒够厚够大件，自问无肉不欢嘅话就一定啱晒你！猪扒下面嘅焗饭经加蛋炒过，不过因为蕃茄汁落得重手咗，所以饭底湿咗少少。
礼尚往来 $52
特浓芝士焦糖吐司
［分数：7.5/10］
特浓芝士焦糖吐司我会当佢系半个甜品，因为多士上面加咗蒜蓉再焗，然后再加上甜甜地嘅芝士酱同焦糖酱，所以食落会咸咸甜甜咁。如果蒜蓉味可以淡返少少可能会更好，可能因为我自己偏爱甜味多啲～
得意忘形 $118
香橙梳乎厘
［分数：9/10］
真正嘅甜品终于出场！因为呢个甜品制作需时，想食嘅话记得系餐饮临近尾声嘅时候，提早15-20分钟落单。甜品无改错名，当佢送到嚟嘅时候，真系会令你得意忘形到唔记得要衬热食！因为佢唔止传嚟阵阵香味，卖相亦非常之靓～上边仲要有埋老夫子个样！
得意忘形 $118
香橙梳乎厘
［分数：9/10］
梳乎厘好松软，因为已经加咗糖，所以更加能够带出蛋白香！橙味唔太重，所以完全无盖过蛋白香！最意外系梳乎厘配嘅云尼拿酱，云尼拿味非常香浓，混合埋一齐食真系好香好滑！绝对系必食之选！
******************************
老夫子餐馆 (太子)
太子弥敦道777-781号安宝楼1楼
*********************************
以上消费：$560
味道：8.5/10
环境：8.5/10
服务：8.5/10
卫生：8/10
抵食：8/10
张贴
