euro go go

营业中

休息中

今日系五月三日佛诞，好开心今日可以同老婆🐷一齐过左成日，睇完志明与春娇之后见有少少肚饿，所以一齐返左黄大仙间euro gogo 食d 野先。其实之前我对euro gogo 既印象麻麻，因为记得曾经食过沙田果间euro ,都几难食下，不过今次老婆🐷令我对eurogogo 改观。睇menu 果时，老婆🐷又就哂我问我想食d 咩，我觉得老婆🐷最锡我最就我就系呢点，每次都会留意d 野食岩唔岩我口味。虽然我唔系太食得辣，但系都要左个香辣鸡翼同埋个意粉。个鸡翼辣辣地，其实几惹味，d 汁又好味，d 鸡翼又嫩滑。气味又香又辣，我唔系太食得辣，但系闻到都已经开胃。食起上黎仲滋味，不过我食鸡翼果时冇老婆🐷食得咁干净，哂左好多肉。呢道鸡翼真系几好味。连我老婆🐷都赞。之后就到呢个意粉，又系少少辣，不过d 意粉既软硬度适中，食起上黎都几好口感，而且又唔会太粉太干，味道都唔错，只系唔够特别。不过见老婆🐷食得咁开心，我都觉得好味。虽然连续五日假期，老婆🐷最后一日先有时间陪我，不过老婆🐷做野忙，辛苦，我明白，我知道架，好多谢你肯花时间陪我，好感谢生命中可以遇到你。