新羅寶韓國餐廳

营业中

休息中

今日同朋友嚟一间在香港己经扎根三十年嘅韩国餐厅，曾经得到米芝连奖项，今日终于有机会嚟试下。估唔到米芝莲餐厅都有一个免费试食嘅角落头，自家制嘅腌萝卜同埋农场梅汁，每位客人都可以随意食用。一坐低职员先送上三款餐前开胃小食：泡菜、腌萝卜、菠菜芽菜、一片橙肉。小食颜色鲜艳，味道酸酸辣辣，十分开胃。酱油生虾 酱油虾有咸鲜味，食一只唔够喉，我哋后尾追加多四只，享受每一啖咸鲜弹牙嘅虾。一人烤牛排骨肉套餐喜欢食烤肉嘅我一定会点过烧肉餐，牛排骨肉切成一片片，有牛肉味又有咬口，入口甘香，烧肉必食之选。炆牛排骨套餐炆牛排骨就一旧旧连骨一齐炆，肉质好软淋淋；汤底有红枣，入口甘甜滋润，女士恩物。柠檬梳打和柚子梳打两款饮品都清爽酸甜，饭后嚟一杯清爽解腻。