富記大排檔

营业中

休息中

团年去左大围𠮶边食，一早就揾定附近有咩好野帮衬🥰🥰咁啱见到有人介绍隆亨冬菇亭富记大排档，话就话大排档但其实呢度啲冬菇亭装修晒，已经系好靓仔既餐厅黎喇👍🏻👍🏻👍🏻叫左五个小菜加只炸子鸡，全部要左加大size，上菜真系冇手软，所有𩠌都分两大盒咁上😄😄十几廿人食都够晒，份量超足！呢档富记系未装修变冬菇亭之前已经一早系大围做左几十年，系真正既老字号，老板都同街坊好friend，劲有人情味🥰🥰而且老牌中菜镬气真系冇得输，外卖都完全唔会失望，掓盐九肚鱼爽脆调味丰富🔥金沙骨每旧都劲大块，肉质超嫩！酱汁又浓！炸子鸡完全系出去饮宴既味道👍🏻👍🏻👍🏻仲有个黄金虾球系实的的好多虾肉，绝非面粉波❤️总括嚟讲呢餐真系食出水准💕有惊喜好后悔挂住食冇帮佢影靓相😭下次有机一齐回馈番比富记，大家要多多支持唔好比咁有水准又有良心既老牌消失呀💕💕💕💪💪