順德公漁村河鮮酒家

营业中

休息中

今日好大雨，求其都揾咗间睇落去好传统嘅河鲜餐馆食饭，我同朋友们成身湿晒，不过见到呢度啲嘢食应该都唔错，所以心情顿时变好。我问咗经理，经理建议我哋喺呢一度点四人餐，因为我哋有四个人，有几款仲系佢哋嘅招牌𩠌同埋得奖菜式添，咁就真系要试吓啦。顺带一提呢度免收茶介，所以都几抵食。由于我哋四个都系女仔，第一个汤就啱晒我哋，佢哋叫个汤做女人美容神器，因为里边有好丰富嘅药材，有红枣当归等等，佢哋话佢哋真系足料煲足咁多个钟，仲有靓仔经理帮我地上汤添！里边有个好大嘅鱼头，鱼有好丰富嘅蛋白质，饮落去嘅时候觉得好补身，而且啱啱湿过身，饮落去就更加温暖。最后我哋仲每人饮咗两碗，太好味了，又无味精好少有，个胃好似已经填满左一半！之后仲试咗呢度嘅手打鮻鱼球酿青椒，平时我都好钟意喺茶楼点尖椒，呢个青椒富有好丰富嘅鱼肉系中间做馅料，唔会似普通茶楼有时鱼肉同青椒分得好开，会甩出嚟。每人一只，岩岩好，而且呢一度仲有炸过嘅鮻鱼球，好香口，仲有蚬蚧酱点添。我哋倾吓倾吓就过咗成个夜晚，差唔多最后一台先走，好不愉快。