影片
更多
2019-06-02
2023 浏览
成班屋企人gathering，有人提议不如食海鲜，最热门嘅几个地方都各有拥护，最后由长老拣左布袋澳到食，于是上网睇下有咩选择，其中发记比较老字号，咁就呢间啦。呢到可以揸车，只要提早交车牌号码比酒家就可以留位，食完就有张泊车纸交返比管理员就唔洗比钱呢间酒家嘅海鲜系即拣即秤即煮，所以都几生猛新鲜，拣好就坐低等食等食海鲜期间叫左碟沙姜鸡脚食，沙姜汁唔会太咸，鸡脚亦软硬刚刚好，最啱发口痕时𡁻下白灼虾系鲜味，一d都唔梅，灼嘅时间刚刚好，好弹牙豉椒炒蛏子皇，个个都赞个师传好野，蛏子炒得唔老，仲好爽，好容易咬，唔会成条橡胶蒜蓉粉丝蒸扇贝，影嘅时候得返细半碟，因为一上枱已经个个抢住食，都系果个形容词，鲜，但我最欣赏系个蒜蓉，预先调左味先落碟蒸，唔会抢左扇贝嘅鲜味上汤龙虾伊面又系一贯新鲜弹牙，伊面唔系比一patpat嘅芡汁张住，亦唔会淋晒一夹就断椒盐濑尿虾好正，濑尿虾好食唔洗讲，椒盐炒带微辣，好惹味最后系花雕蟹蒸蛋，我最钟意系食个蛋，充满蟹味又有淡淡花雕香，送饭真系一流，可惜已经饱到食唔落，而食蟹时亦有酒香味，味道好丰富总括黎讲，呢到虽然地点远d，无冷气，但有好多把牛角扇，够晒地道，同西贡码头果d真系无
呢到可以揸车，只要提早交车牌号码比酒家就可以留位，食完就有张泊车纸交返比管理员就唔洗比钱
呢间酒家嘅海鲜系即拣即秤即煮，所以都几生猛新鲜，拣好就坐低等食
等食海鲜期间叫左碟沙姜鸡脚食，沙姜汁唔会太咸，鸡脚亦软硬刚刚好，最啱发口痕时𡁻下
白灼虾系鲜味，一d都唔梅，灼嘅时间刚刚好，好弹牙
豉椒炒蛏子皇，个个都赞个师传好野，蛏子炒得唔老，仲好爽，好容易咬，唔会成条橡胶
蒜蓉粉丝蒸扇贝，影嘅时候得返细半碟，因为一上枱已经个个抢住食，都系果个形容词，鲜，但我最欣赏系个蒜蓉，预先调左味先落碟蒸，唔会抢左扇贝嘅鲜味
上汤龙虾伊面又系一贯新鲜弹牙，伊面唔系比一patpat嘅芡汁张住，亦唔会淋晒一夹就断
椒盐濑尿虾好正，濑尿虾好食唔洗讲，椒盐炒带微辣，好惹味
最后系花雕蟹蒸蛋，我最钟意系食个蛋，充满蟹味又有淡淡花雕香，送饭真系一流，可惜已经饱到食唔落，而食蟹时亦有酒香味，味道好丰富
总括黎讲，呢到虽然地点远d，无冷气，但有好多把牛角扇，够晒地道，同西贡码头果d真系无得比
张贴
