蛇王林 (已結業)

话说成日坐系Office度沾寒沾冻，听讲食番碗蛇羹可以保暖，咁我又好耐冇食过蛇羹㖞，而又听Office附近有间蛇羹舖系老字号，啲蛇羮又好足料，所以就心郁郁去试下！咁间蛇舖叫蛇王林，入边系全部都系上咗年纪嘅阿伯嚟㗎啦。个装修啦都非常之古色古香，入到去𠮶时光好似停留左系几十年前咁。咁我入到去櫈都未坐，就即刻叫黎一碗蛇羹。咁佢好快手，只系等左一阵间姐，一碗蛇羹就摆咗喺我面前啦。佢连随手摆埋啲薄脆系我碗蛇羮隔离。咁碗蛇羮呢，入边啦，就有啲木耳啊鸡肉啦，蛇肉就唔使讲啦仲好多添，煲埋一齐，上枱𠮶阵时都非常之热架，一饮落去非常之暖胃，成个人体内d寒意即刻走哂，非常舒服！味道方面，碗嘢好足料好鲜甜，肉同木耳个口感一个稔一个爽，配搭出一个好奇妙ge层次。真不愧为老字号，仲屹立系上环咁多年。绝对值得一试！价钱就65蚊碗，size就系一个正常家用饭碗咁大。