蛇王林 (已結業)

價錢三年不變，蛇肉好似少左Covid 三年都未再去過，今日雖然過14000宗，都忍吾住口再去。去到旁邊棟大廈都拆左，好在鋪頭仲系度，所以老店有機會要食多D.好開心睇到師公仍然健健康康。去到得一個客，以為咁慘淡，老闆仲好客氣話哩度仍然只有獨孤一味，所以無乜客，但坐落5分鐘就坐滿，仲要等位。蛇羹價錢同三年前一樣，同樣熱辣辣，但同三年前照片（照片右下角有當年日期水印）比較，蛇肉明顯少，幼，碎，”鞋，同埋肉好似無乜當年明顯的蛇肉紋理 。下次如果再來一定要跟老闆介紹，加D 蛇酒，話會正好多。

3/5Love the shop, love the people, so nice so warm. Soup was a little gooey. But the snake meat is very good, big nice piece, not over cook, not rough.

冬天食蛇羹是本人指定動作，一來食完暖身；二來覺得是傳統飲食文化，也是自己成長的傳統足跡，要承傳承傳。朋友介紹，食蛇羹必試蛇王林，上網搜尋之下，原來此舖是百年老字號，曾經因為店內最師傅退休誤傳為店舖關門大吉而引起廣泛討論，後盾如此堅實，果然必試。到舖一坐下，店員沒有多問「吃甚麼」而是問「要幾碗」，大約知道此店有多集中做蛇羹，加上舖內充滿歷史氣息的蛇櫃、牌匾，已深深感受到當中的匠人精神。蛇羹上桌，配料不下，先試其原味--朋友果然好介紹！蛇羹沒有花巧的調味，蛇肉配以木耳絲，蛇羹入口散發出蛇肉羹獨特的淡淡香甜。及後加上檸檬葉，更使蛇羹添上一份清新感覺。吃完一碗，喉嚨有點暖而不涸的感覺，本想再來一碗但又怕太滋補，還是打消念頭。走時回顧店內，店內全是老師傅，不禁默默希望這傳統的飲食文化能有新血加入，得以承傳。

@imperialfoodies介紹我去蛇王林食蛇羹🐍一路bookmark住。蛇王林既蛇羹係用新鮮蛇，蛇肉比較幼身同嫩口，同埋佢蛇羹佢得蛇肉同木耳絲，冇落其他野落去，湯頭都係稀身冇咁濃味。但奇就奇左一路食個口會keep住有陣微甜味，直至食完仲keep住有小小甜味而且唔會口渴，好似飲完湯咁。所以我都推介比大家。蛇王林同蛇王協係走兩種路線，蛇王協會迎合唔太鐘意食蛇/想試下食蛇羹既朋友，因為比較濃味而且會落埋雞肉等配料，感覺上係食碗仔翅但加左蛇肉。所以第一次食應先去蛇王協打開左食蛇既大門，之後可以去蛇王林食小d調味但多d蛇味既蛇羹（蛇王林獨孤一味賣蛇羹）。兩間我都咁中意，各有特色🤗

這星期超凍，立刻去保暖一番。好擔心這個店會關門，好彩發現他們還有營業。還可以見到親切的老伯伯們。專程由中環去上環吃蛇羹，午餐都唔食，第一時間坐低叫一碗暖暖的蛇羹（$65),好在剛剛有人走，立刻有位坐。我們叫了一人一碗蛇羹，飲了少少，便加了一點點蛇酒。加了蛇酒的蛇羹提升了蛇羹的味道，特別覺得好飲，一碗蛇羹有兩個層次，10分滿足！希望他們可以繼續這個傳統，我們仲可以繼續食這些傳統食物。

新鮮蛇肉，真心夥計，難得！睇週刊介紹，香港只有一間係仲有搪蛇同用新鮮蛇肉的蛇羹，今日去開上環就去食。11點幾去到，在門外同裝修已經肯定系老鋪，由收錢到廚房夥計都非常有經驗，個個仲好友善和有禮貌，其中一個已經做了70年但仲好精神的”師公”，並不是普通蛇店能比。裡面座位吾多，老闆話就叫地坐係一排好高蛇櫃旁邊，佢講笑話D蛇出吾到來，叫我地放心。我當時想系咪真系仲有蛇咖，應該係道具櫃姐。坐低好快就兩碗滿滿蛇羹，真係好多粗粗長長的蛇肉，個羹吾會死傑爛傑，其他配料薄脆，檸檬葉，醋都有齊，我都係喜歡乜都吾加，正。食完走去廚房問下可吾可以入去睇，老夥計好客氣話OK，仲介紹每天都系度搪蛇，我仲有D懷疑，師公就話開櫃比我睇，原來就系我座位的旁邊啊！佢仲介紹其中一種系野生福建什麼蛇，淨係個膽都400蚊；另外又介紹了蛇鞭酒，話蛇系有兩條鞭喔。真系學到野

This is a classic snake soup spot in Sheung Wan. It’s been opened for more than 40 yrs. They serve nothing but Snake soup and their home brew Snake wine. Compare to many other snake soup place in HK. I’ve found 蛇王林 has more rich taste and the snake meat is more tender, soup is more lighter than gluey. Get a shot of the homemade snake wine. Very smooth taste and the heat will come straight from your body. Price point is reasonable compare to the one in CWB and Central and has much better quality

話說成日坐係Office度沾寒沾凍，聽講食番碗蛇羹可以保暖，咁我又好耐冇食過蛇羹喎，而又聽Office附近有間蛇羹舖係老字號，啲蛇羮又好足料，所以就心郁郁去試下！咁間蛇舖叫蛇王林，入邊係全部都係上咗年紀嘅阿伯嚟㗎啦。個裝修啦都非常之古色古香，入到去嗰時光好似停留左係幾十年前咁。咁我入到去櫈都未坐，就即刻叫黎一碗蛇羹。咁佢好快手，只係等左一陣間姐，一碗蛇羹就擺咗喺我面前啦。佢連隨手擺埋啲薄脆係我碗蛇羮隔離。咁碗蛇羮呢，入邊啦，就有啲木耳啊雞肉啦，蛇肉就唔使講啦仲好多添，煲埋一齊，上枱嗰陣時都非常之熱架，一飲落去非常之暖胃，成個人體内d寒意即刻走哂，非常舒服！味道方面，碗嘢好足料好鮮甜，肉同木耳個口感一個稔一個爽，配搭出一個好奇妙ge層次。真不愧為老字號，仲屹立係上環咁多年。絕對值得一試！價錢就65蚊碗，size就係一個正常家用飯碗咁大。

因為父母最近推介，和老公來試試。蛇羹一碗份量不多不少。薄脆和檸檬葉用小碟另上，比放在桌上自己夾的衛生。調味適中不咸，沒有加豬肉、雞肉，純是蛇肉，真材實料，別處少見。店員是上年紀的，時間早，人少，見我們生面口知道是第一次來，交談了幾句；店內的招牌、蛇櫃、椅桌都有懷舊風味，環境有種老街坊的親切感。留意到有日文翻譯，原來日本遊客也是目標顧客呢。無論食物、氣氛，都很獨特。

一時找不到圖片了 必須說這家店才是我心目中最正宗的港式蛇羹店！網紅的那種真的沒意思這家都是辛勤工作的爺爺輩不能說特別熱情畢竟大家語言不通但是普通的小店很乾淨也不需要太多的裝潢一堵牆的木頭箱子寫著“蛇”帶著年代的氣息和藥味塑料桌凳一人一碗蛇羹往來的顧客一看也是跟著老闆很多年的街坊一碟檸檬草➕脆片一碗滿滿的蛇羹加點胡椒粉一碗呼嚕嚕下肚超級舒服和好喝價格也不貴65一碗

天氣凍凍地所以中午食碗蛇羹先，這間蛇王林，一入到店舖就知道應該係有返d歷史嘅老舖，在店外養了一條青色的毒蛇，入到鋪頭內光線不算是很光猛，而且裝修有一些很古老的櫃桶，每一個櫃桶都貼住一張張寫住毒蛇的紙，我相信櫃桶真的放有毒蛇，所以都不敢坐近櫃桶的那邊座位，另一邊，架上裝住一支支蛇酒。而廚房都有個伯伯攞住一條條的蛇煎皮拆骨製作蛇羹。熱辣辣的蛇羹很快便送上枱上，蛇羹都配上薄脆和檸檬草一起上，雖然蛇羹細細碗，但是裝滿了滿滿的蛇肉絲和木耳絲，加上薄脆一起食脆卜卜，蛇肉又唔會有腥味，所以冬天食碗蛇羹真的啱啱好！

上星期天文台話寒流將至所以諗住襯早食番碗蛇羹暖暖身~咁岩又知道番工附近有間百年蛇羹老店就約埋同事一齊lunch hour去試下鋪面真係好舊式有好多寫住毒蛇既箱😨好彩係密封見唔到入面 如果唔係都幾驚店內有小桌幾張 都坐滿人 不過好快就有位 唔需要等伯伯見到我地兩個女仔 就問我地要一碗定兩碗原來兩人一碗伯伯都唔介意😄😄不過我地都係要左一人一碗蛇羹好快就端到我地面前😃仲有魚皮同檸檬葉第一次食 估唔到蛇肉係咁爽咁好食而且一d都唔肥 仲瘦過瘦既豬肉絲成碗蛇羹真係連油都唔見有😮蛇羹好滿好足料除左蛇肉仲有好多木耳絲同冬菇絲食到底都仲有好多料😉食完一碗真係超級滿足暖粒粒呢碗蛇羹絕對係好評👍

本人覺得這店好吃過中環蛇王芬，唔信你們去試下，價錢又合理。好多時未到下午四點半就賣清了今天很好運給我食到最後一碗，繼續還有很多人來都已經沒了。雖然此食店全都是老年人，但服務態度，環境衛生全部ok。請不要嫌棄他們行動緩慢

第一次去蛇王林，似乎佢只係賣蛇羹，無其他。去到見要排隊，不過好快就有位，因為我見 d 個個客都好好，好快食完就走。每碗 $58. 我 2 個人入去佢就問1碗定2碗，完全唔會嫌幫親少或者係阻住佢d 位。我地叫咗 2 碗。佢 d蛇羹好足料，啖啖蛇肉，木耳絲，冬菇絲。完無味精既感覺，味道都適中遍淡 (depends 你食野濃唔濃味) 。之前係中環食過一間 d味較到好甜，又少蛇肉，仲要貴過呢間。d檸檬葉唔會太乾身，薄脆唔會太油。好味。食咗成身暖晒。

身為蛇女，卻有幾年沒吃過蛇羹了。是日午飯時間到上環禧利街的生記鮮魚湯米線一趟，得知要等上十幾個號碼，於是和同事周圍閒逛。赫見對面的蛇王林，我像逛旺角寵物街般，好奇過去望望盤纏著而不動的蛇。興致勃勃的問同事究竟蛇是什麼味道，因為我真的忘記了，味蕾是沒有記憶的。「食碗囉！可以share~」，職員道。一碗$55不算貴，當是午飯的前菜，於是我倆踏進了這百年博物館暨動物園。蛇王乜蛇王物，十隻手指都數不完，全港該有廿餘家。過百年歷史的蛇王林在openrice 內不是獲得最高評價，卻是全港最大的活蛇供應商，和蛇王芬一樣都算是數一數二的蛇店。以前吃蛇不像現在般唾手可得，蛇王風光的年代或許已過，店中仍掛著創辦人羅大林的相片（所以是蛇王林，「林」是名而非姓）。相片殘舊而泛黃，貌似古裝片中大宅裡掛著的祖先相片吧？千真萬確而不是贗品，白天看到的話當然沒事，但試想像晚上看到的話…（心虛者勿進？）百年過後，舖裡的主理人是「第三代」，不是子承父業，只是打工、抵得諗的班底。單邊的牆放有幾棟裝有毒蛇的木箱，還好是99% 密封的，察覺不到內裡有生物動靜，冬天是蛇的冬眠時候嘛（我都應該冬眠…）。滿頭銀絲的麥師傅一點都不似八