郭仔記粥麵專家

营业中

休息中

一向都钟意食车仔面嘅我，钟意周围试吓唔同嘅车仔面餐厅，今次经过大埔墟就入去郭仔记试吓。餐厅门口有外卖形式买卖熟食小食，记得呢间铺头已经好多年历史，而且一向多街坊帮衬。座位有卡位同埋中间嘅长枱选择，去到嘅时候都已经几乎爆满，可见非常好生意。点餐以自助形式，首先在枱上面嘅餐纸选择自己喜好嘅车仔面配菜同埋面款，以圈出形式展示比店员，就可以落单。我实在太钟意食车仔面啦，当然唔少得拣我最钟意嘅卤水鸡翼、凤爪、猪大肠、猪红、紫菜同埋牛孖根等嘅配菜，面底我就拣咗油面。卖相非常吸引，好大碗！而且食物非常丰富呀。当中嘅卤水鸡翼非常入味，而且肉质鲜嫩，质感非常林。汤底沙嗲汁味道非常浓郁，油面非常入味，而且有咬口有质感。食完之后真系非常饱啊，而且只系街坊价几十蚊一碗，真系好抵食。