奇趣餅家

营业中

休息中

我先唔讲呢间饼店面包嘅味道，我想讲讲佢铺头坐落嘅地理位置先，因为真系好难得，喺旺角最旺嘅地段，旁边都系啲几十万月租嘅铺头地舖，呢间饼店喺呢条街上显得格格不入，因为佢嘅装修甚至可以用好残旧黎形容😨加上佢买嘅面包糕点价钱一啲都唔贵，我可以大胆推断佢间铺一定已经买咗，所以先唔需要担心租金嘅支出，我另一个推断就系佢嘅材料应该会好足料，因为相对于租金嘅支出食材嘅费用只系九牛一毛喺香港地烧饼好烟银，特别烧饼外皮，好有口感好有咬口👍合桃酥，非常松脆，亦都唔会太甜👍所以话，如果香港啲租金唔系咁贵嘅话，我相信香港本地嘅美食嘅质素会更加更上一层楼